जळगाव : भडगाव तालुक्यातील वीज चोरीच्या गुन्ह्यात संशयीतावर दोषारोप सिद्ध होवुन जिल्हा न्यायालयाने (Court) सक्तमजुरीची शिक्षा ठोठावली आहे. न्यायाधिश जे. जे. मोहिते यांच्या न्यायालयाने १ वर्षे सक्त मजुरीसह दहा हजारांचा दंडही बजावला आहे. (Breaking Marathi News)
डोंगरगाव (ता. भडगाव) शिवारात राहणारे पंजाबराव धनराज देशमुख यांनी पोल्ट्रीफार्म हाऊस येथे मका दळण्याच्या गिरणीवर महावितरण (Mahavitaran) कंपनीतर्फे मीटर लावण्यात आली. या गिरणीवरील वायर कट करून त्यामधून सुमारे ४४ हजार ३७५ युनिट म्हणजेच २ लाख ९३ हजार ७२० रुपयांची वीज चोरी केल्याप्रकरणी महावितरणचे सहाय्यक अभियंता अभय मनोहर पाटील यांनी दिलेल्या फिर्यादीवरून (Chalisgaon) चाळीसगाव ग्रामीण पोलीस ठाण्यात २९ डिसेंबर २०१९ ला गुन्हा दाखल करण्यात आला होता. या अनुषंगाने हा खटला जिल्हा व अतिरिक्त सत्र न्यायाधीश जे. जे. मोहिते यांच्या न्यायालयात चालवण्यात आला.
सरकार पक्षातर्फे एकूण ५ साक्षीदार तपासण्यात आले. यामध्ये फिर्यादी सहाय्यक अभियंता अभय पाटील यांची साक्ष महत्त्वपूर्ण ठरली. देान्ही बाजुंचा प्रदिर्घ युक्तीवाद प्राप्त पुरावे, परिस्थीतीजन्य पुरावे आणि साक्षीदारांच्या साक्षवरून पंजाबराव धनराज देशमुख यांच्यावर दोषारोप सिद्ध झाल्याने भारतीय विद्युत कायदा कलम- २००३ चे कलम- १३५ अन्वये १ वर्षे सक्त मजुरीचे शिक्षा आणि १० हजार रुपये दंड, तसेच दंड न भरल्यास ३ महिन्याची साधी कैद अशी शिक्षा ठोठावण्यात आली आहे. तसेच आरोपीने २ लाख ९३ हजार ७२० रुपये रक्कम महावितरण कंपनीला १ महिन्याच्या आत भरावी असा हुकूम देण्यात आला आहे. सरकार पक्षातर्फे सरकारी वकील ॲड. वैशाली महाजन यांनी कामकाज पाहिले. सहाय्यक पोलीस निरीक्षक संजय गोसावी यांनी सहकार्य केले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
