जळगाव : विधानसभेच्या पावसाळी अधिवेशनात गोंधळ घालणाऱ्या भाजपच्या आमदारांच्या कृतीचा निषेध नोंदवण्यासाठी एरंडोल येथे शिवसेनेच्यावतीने रास्तारोको आंदोलन करण्यात आले. शिवसेनेचे जिल्हाप्रमुख डॉ. हर्षल माने यांच्या नेतृत्वाखाली हे आंदोलन करण्यात आले. (jalgaon-news-erandol-shiv-sena-road-block-aandolan)
एरंडोल पंचायत समितीच्या कार्यालयापासून महामार्गापर्यंत मोर्चा काढण्यात आला. त्यानंतर शिवसैनिकांनी महार्गावर ठिय्या मांडत भाजपच्या विरोधात जोरदार घोषणाबाजी केली. भाजपची भूमिका मराठा आणि ओबीसी आरक्षणाच्या विरोधात आहे. हेच भाजप आमदारांच्या विधानसभेतील भूमिकेवरून स्पष्ट झाले आहे, असा आरोप यावेळी बोलताना डॉ. हर्षल माने यांनी केला.
वाढत्या महामार्गविरोधातही आवाज
वाढती महागाई, पेट्रोल, डिझेल आणि घरगुती गॅसचे आवाक्याबाहेर गेलेले दर या मुद्द्यावरूनही केंद्र सरकारच्या विरोधात घोषणाबाजी करण्यात आली. महागाई नियंत्रणात आणावी, अशी मागणी करण्यात आली. शिवसेनेचे सहसंपर्क प्रमुख गुलाबराव वाघ, महानंदा पाटील यांच्यासह शिवसेनेचे पदाधिकारी व कार्यकर्ते आंदोलनात सहभागी झाले होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.