जळगाव : मुलाचे लग्न असल्‍याने घरात सर्व तयारी झालेली होती. दहा दिवसांवर विवाह (Marriage) सोहळा असल्‍याने पत्रिका वाटपाची देखील लगबग (Jalgaon News) अंतिम टप्‍प्‍यात होती. अशात होत्‍याचे नव्‍हते झाले अन्‌ अख्‍खे घर दुःखाच्‍या खाईत लोटले गेले. (Tajya Batmya)
जळगाव शहरातील जीवननगरात वास्‍तव्‍यास असलेले तथा ग. स. सोसायटीचे प्रशासन अधिकारी महेंद्र रामा मोरे (वय ५७) यांचा मोठा मुलगा विक्रांत याचे १ जूनला लग्न नियोजित होते. यामुळे ते मंगळवारी (२३ मे) सकाळी पत्रिका वाटण्यासाठी बाहेर पडले. चोपडा, अमळनेर, धरणगावमार्गे ते एरंडोल येथील ग. स. सोसायटीच्या कार्यालयात पत्रिका वाटण्यास तीन वाजेच्या सुमारास गेले होते. पत्रिकांवर नाव लिहिण्यासाठी खुर्चीवर बसले असताना अचानक त्यांना हृदयविकाराचा झटका आला. त्यांना जवळच्याच रुग्णालयात (Hospital) कर्मचाऱ्यांनी नेले. परंतु वैद्यकीय अधिकाऱ्यांनी जळगाव येथे नेण्यास सांगितले. जळगाव शासकीय रुग्णालयात आणले असता तेथे वैद्यकीय अधिकाऱ्यांनी मयत घोषित केले.
कुटुबियांचा आक्रोश
महेंद्र मोरे यांच्या नातेवाईकांनी शासकीय रुग्णालयात एकच आक्रोश केला. त्यांच्या पश्चात पत्नी शारदा, मोठा मुलगा विक्रांत, लहान मुलगा कुणाल असा परिवार आहे. विक्रांत पुण्यात कंपनीत तर लहान मुलगा एमबीएचे शिक्षण घेत आहे. याप्रकरणी पोलीस स्टेशनला अकस्मात मृत्यूची नोंद करण्याचे काम सुरु होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
