तेलाचे तळे साचले अन्‌ नागरीकांनी भरल्‍या कॅन

तेलाचे तळे साचले अन्‌ नागरीकांनी भरल्‍या कॅन
तेलाचे तळे साचले अन्‌ नागरीकांनी भरल्‍या कॅन
accident

जळगाव : खाद्यतेलाच्‍या दर वाढत असताना जमिनीवर तेलाचे डबके साचले व तेथून तेलाच्‍या मोठ्या कॅन भरून नेता येतील. अशी कल्‍पना देखील होवू शकत नाही. परंतु, हे प्रत्‍यक्षात झाले आहे. मुक्‍ताईनगर तालुक्‍यातील घोडसगावजवळ तेलाचा ट्रॅंकर पलटी होवून असे चित्र पाहायला मिळाले. (jalgaon-news-muktainagar-highway-oil-tanker-accident)

पावसात महामार्गावरून जात असलेल्‍या ट्रॅंकर चालकाने ब्रेक लावला. ब्रेक लावल्‍यानंतर चालकाने नियंत्रण सुटले व ट्रॅंकर पलटी झाला. यामुळे तेलाने भरलेल्‍या ट्रॅकरमधून तेल वाहिले व शेताच्‍या बांधावर पाऊस पडल्‍यानंतर जमिनीवर साचलेल्‍या पाण्याच्‍या डबक्‍याप्रमाणे तेलाचे डबके साचले होते.

पहाटे झाला अपघात

मुक्ताईनगर तालुक्यातील घोडसगावजवळ आज पहाटे चारच्या सुमारास मध्यप्रदेशातील इंदोर येथून ट्रॅंकर (क्र. एमपी ०९ एचएच २२७१) याने आजाद पटेल हा पामतेलचे ट्रॅंकर घेवून जात असतांना पलटी झाले. या घटनेत ट्रक चालक किरकोळ जखमी झाला असल्याने त्याला इस्पितळात उपचारासाठी दाखल करण्यात आले आहे.

accident
साडीची झोळी अन्‌ बांम्बूलेन्स ते ॲम्‍बुलन्‍स! वर्डीच्‍या विमान दुर्घटनेतील तो प्रसंग..

अन्‌ नागरीकांनी भरल्‍या कॅनीच्‍या कॅनी

राष्ट्रीय महामार्गावरून पामतेल वाहून नेणारा ट्रक पलटी झाल्याची घटना घडली. या घटनेत तेल वाहून नेणाऱ्या ट्रकमधील तेलाचे ट्रकच्या बाजूलाच शेत शिवारात मोठे तळे साचले होते. ही बाब नागरीकांच्‍या लक्षात आल्यावर परिसरातील नागरिक आणि हॉटेल चालकांनी मिळेल त्या साधनांच्‍या सहाय्याने तेल भरून नेले. अगदी पाच लिटर ते पंधरा लिटरच्‍या कॅनी भरून तेल नेत असल्‍याचे चित्र येथे पाहण्यास मिळाले.

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com