अंमली पदार्थाची तस्करी; तेलंगणाच्या महिलेकडून एक लाखाचा गांजा जप्त

जळगाव : मध्यप्रदेशातून गांजा या अंमली पदार्थाची प्रवासी वाहतूक करणाऱ्या वाहनातून तस्करी करून घेऊन जाणाऱ्या तेलंगणा येथील महिलेला ग्रामीण पोलिसांनी रंगेहात पकडून अटक केली. संबंधित महिलेकडून पोलिसांनी गांजासह एक लाख १० हजारांचा ऐवज जप्त करण्यात आला आहे. महिलेला चोपडा (Chopda) येथील प्रथम वर्ग न्यायालयात हजर केले असता न्यायालयाने महिलेला दोन दिवसाची पोलीस (Police) कोठडी सुनावली आहे. (jalgaon news One lakh cannabis seized from Telangana woman)

चोपडा ग्रामीण पोलिसांना मिळालेल्या गोपनीय माहितीवरून वैजापूर रस्त्यावरील बोरअजंटी येथील वनविभागाच्या (Forest Department) नाक्याजवळ पोलीस उपनिरीक्षक अमरसिंग वसावे यांनी नाकाबंदी केली. प्रवासी वाहतूक करणाऱ्या गाडीला अडवून प्रवाशांची चौकशी केली असता रंजना गंगाधर तिडके (रा. गुडेहतनूर ता. जि. आदिलाबाद, तेलंगणा) येथील महिलेजवळ असलेल्या गोल्ड स्वीट सुपारीच्या पिशवीत लपविलेला ५ किलो १०० ग्रॅम वजनाचा हिरवा सुका गांजा सापडून आला. या अंमली पदार्थाची तस्करी करतांना आढळून आल्याने पोलिसांनी सदर महिलेला अटक केली आहे.