Silver Price: चढउतारानंतर चांदीला पुन्‍हा चकाकी

चढउतारानंतर चांदीला पुन्‍हा चकाकी
Silver Price
Silver PriceSaam tv

जळगाव : मागील काही दिवसांपासून चांदी व सोनेच्‍या दरात चढउतार होत आहे. शिवाय, लग्‍नसराई बंद झाली असून सण उत्‍सव देखील नसल्‍याने हवी तशी मागणी दागिन्‍यांना नव्‍हती. यामुळे दर खाली– वर होत होते. मात्र आता सण उत्‍सवांना सुरवात होत असून या पाश्‍र्वभुमीवर चांदीच्‍या (Silver) दरात वाढ होण्याची शक्‍यता व्‍यावसायिकांकडून होत आहे. (Jalgaon News Today Silver Price)

Silver Price
मालकाचा विश्‍वासघात; बँकेत पैसे भरण्यासाठी गेलेला नोकर बुलेटसह सव्वातीन लाखासह पसार

रशिया - युक्रेन युद्धाचे (Russia Ukraine War) दुष्परिणाम कायम असले तरी फेस्टिव्हल सीझनमुळे चांदीच्या भावात चढ- उतार सुरू होते. सणासुदीच्या हंगामामुळे मौल्यवान धातूंच्या खरेदीला चालना मिळत आहे. दरम्‍यान सहा महिन्‍यांपुर्वी अर्थात ९ मार्चला चांदीच्‍या दराने उच्‍चांक गाठत ७३ हजार ५०० रुपये इतका दर सराफ (Jalgaon) बाजारात चांदीचा झाला होता. तर २७ जुलैला या वर्षात नीचांकी ५५ हजार ३०० रुपये किलोपर्यंत हे भाव घसरले होते. परंतु, आता चांदीचे दर वाढत असल्‍याने आज जळगावच्या सराफा बाजारात ५९ हजार रुपये किलोवर स्थिरावली आहे.

फेस्टिव्हल सिझन

दहा दिवसांपूर्वी चांदीचे भाव अस्थिर होते. सध्या हे भाव कमी झाले आहेत. आता सण उत्‍सवांचा महिना असलेल्‍या श्रावणात रक्षाबंधन यानंतर गौरी– गणपतीपासून सणांना सुरवात होईल. यामुळे चांदीच्‍या दागिन्‍यांची प्रामुख्‍याने मागणी होत असते. शिवाय आंतरराष्ट्रीय घडामोडी आणि शेअर बाजाराचा परिणाम मौल्यवान धातूंच्या दरावर होत असतो. यामुळे सुरू होत असलेल्‍या उत्‍सवात सराफा बाजारात उलाढाल होईल असे सराफा व्यावसायिक यांनी सांगितले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com