यावल (जळगाव) : यावल तालुक्यातील सातोद येथे महावितरणच्या (Mahavitaran) बिलाची थकबाकी मागणीसाठी वीज कर्मचारी गेले होते. त्याचा राग येऊन पिता- पुत्राने विज कर्मचाऱ्यासह सोबतच्या कर्मचाऱ्यास शिवीगाळ करत मारहाण केली. व शासकीय कामात अडथळा निर्माण केल्याच्या कारणावरून येथील पोलीस ठाण्यात दोघ पिता पुत्राविरुद्ध गुन्हा दाखल करण्यात आला आहे. (Tajya Batmya)
सातोद (यावल) येथील सुनील भास्कर धांडे यांच्याकडे मंगळवार (ता.७) दुपारी अडीच वाजेच्या सुमारास वीज वितरण कंपनीचे थकबाकीचे विजबिल मागणीसाठी महावितरणचे वरिष्ठ तंत्रज्ञ योगेश प्रल्हाद बारी व सोबतचे कर्मचारी गिरीश सतीश चौधरी गेले होते. या कर्मचाऱ्यांनी धांडे यांना वीज बिल भरण्यास सांगितले असता त्याचा राग येऊन सुनील धांडे व त्यांचे पुत्र योगेश सुनील धांडे या दोघांनी वीज वितरणच्या कर्मचाऱ्यांना शिवीगाळ करत लाथा बुक्क्यांनी मारहाण केली.
पिता-पुत्राला अटक
या संदर्भात योगेश बारी यांनी दिलेल्या फिर्यादीवरून पोलीस ठाण्यात पिता-पुत्रा विरुद्ध शासकीय कामकाजात अडथळा निर्माण केल्‍यासह अन्य कलमान्वये गुन्हा दाखल करण्यात आला आहे. या संशयित पिता-पुत्राला पोलिसांनी अटक केली आहे. पुढील तपास पोलीस उपनिरीक्षक प्रदीप बोरुडे यांच्या मार्गदर्शनाखाली पोलीस करीत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
