जळगाव : शहरातील निवृत्तीनगरातील तरूणाने राहत्या घरात गळफास घेवून आत्महत्या केल्याची घटना शनिवारी (१३ मे) पहाटेच्या सुमारास घडली. आत्महत्या करण्याचे कारण अद्याप समोर आलेले नाही. जिल्हापेठ पोलीस ठाण्यात याप्रकरणी अकस्मात मृत्यूची नोंद करण्यात आली आहे. हेमंत राजेंद्र चौधरी (वय ३४, रा. निवृत्तीनगर) असे मृत तरूणाचे नाव आहे. (Live Marathi News)
नातेवाईकांनी दिलेल्या माहितीनुसार चौधरी हे पत्नी व दोन मुलांसह निवृत्तीनगरात वास्तव्याला असून, पेंटरचे काम करून उदरनिर्वाह करत होते. १२ मे मध्यरात्री घरात सर्वजण झोपलेले असताना हेमंत यांनी किचनमध्ये दोरीच्या सहाय्याने गळफास घेवून आत्महत्या केली. हा प्रकार शनिवारी पहाटे पाचला पत्नी गायत्री यांच्या लक्षात येताच त्यांनी हंबरडा फोडला.
नागरिकांच्या मदतीने मृतदेह खाली उतरवून जिल्हा शासकीय वैद्यकीय महाविद्यालयात दाखल करण्यात आला. हेमंत यांच्या मागे आई मंगला, पत्नी गायत्री, मुलगा प्रतिक (वय १६) आणि मुलगी माही (वय ८), भाऊ विनोद आणि दोन विवाहित बहिणी असा परिवार आहे. जिल्हापेठ पोलीस ठाण्यात अकस्मात मृत्यूची नोंद करण्यात आली आहे. आत्महत्येचे कारण मात्र अद्याप समजलेले नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
