Jalgaon News: २८ क्विंटल कापूस चोरीला; दोन लाखाचे नुकसान

२८ क्विंटल कापूस चोरीला; दोन लाखाचे नुकसान
Jalgaon Cotton Price
Jalgaon Cotton PriceSaam tv

पाचोरा (जळगाव) : नगरदेवळा (ता. पाचोरा) येथील दोन शेतकऱ्यांच्या शेतात ठेवलेला दोन लाख रुपये किमतींच्या २८ क्विंटल कापूस (Cotton) चोरीला गेला आहे. याबाबत शेतकऱ्यांनी (farmer) दिलेल्या फिर्यादीनुसार पोलिसांनी अज्ञात चोरट्यांविरुद्ध गुन्हा नोंदवला आहे. (Maharashtra News)

Jalgaon Cotton Price
Nanded News: धाडसी दरोडा..वृध्दांना मारहाण करुन चार लाखांचा ऐवज लुटला; मारहाणीत वृध्द महिलेचा मृत्यू

पावसाचा लहरीपणा व रोगराईमुळे पांढरे सोने म्हणून ओळखले जाणारे कापूस उत्पादन धोक्यात आले. शेतकऱ्यांनी अनेक अडचणींचा सामना करत व आर्थिक झीज सोसत कसे तरी कापसाचे पीक हाती घेतले. परंतु, कापसाला चांगला भाव (Cotton Price) मिळेल या अपेक्षेने शेतकऱ्यांनी कापूस शेतात व घरात साठवून ठेवला आहे. त्‍यानुसार नगरदेवळा गावातील काही शेतकऱ्यांनी देखील कापूस अद्याप विकलेला नाही.

दोन लाखाचे नुकसान

नगरदेवळा येथील दिवारसिंग राऊळ यांच्या पिंपळगाव शिवारातील शेतातील शेडमध्ये ४८ हजार रुपये किंमतीचा कापूस साठवून ठेवण्यात आला होता. तसेच राजेंद्र राऊळ यांच्या शेतातील गोडाऊनमध्ये उमेश राऊळ यांचा दीड लाख रुपये किंमतीचा कापूस साठवून ठेवला होता. चोरट्यांनी या कापसावर डल्ला मारला. दोन्ही शेतकऱ्यांच्या दोन लाख रुपये किमतीचा २८ क्विंटल कापूस गोडाऊनचे कूलूप तोडून व शेडमधून लंपास करण्यात आला आहे. शेतकऱ्यांनी दिलेल्या फिर्यादीनुसार पोलिसांनी गुन्हा नोंदवला असून पुढील तपास पोलीस निरीक्षक प्रताप इंगळे यांच्या मार्गदर्शनाखाली नगरदेवळा दूरक्षेत्राचे पोलीस करीत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com