जळगाव DCC त पाठींबा दिलेल्या माजी आमदारांचा पराभव; जनाबाई विजयी

भाजपने निवडणुकीवर बहिष्कार टाकला होता.
janabai mahajan
janabai mahajan

जळगाव : जिल्हा मध्यवर्ती सहकारी बँकेच्या (jdcc-bank) निवडणुकीत रावेर विविध कार्यकारी सोसायटीत माघार घेतलेल्या उमेदवार जनाबाई महाजन या एक मताने विजयी झाल्या आहेत. महाजन यांनी अरुण पाटील यांना पाठींबा दिला हाेता. तरी मतदारांनी महाजन यांचे पारडे जड केल्याने पाटील यांना पराभवास सामाेरे जावे लागले आहे. jalgoan dcc bank election result 2021

janabai mahajan
धुळे DCC त 'महाविकास' २ जागांवर; साेनवणेंच्या पराभवने धक्का

जळगाव जिल्हा बँक संचालक मंडळाच्या निवडणुकीची आज मतमोजणी सुरू आहे. चार विविध कार्यकारी सोसायटी मतदार संघात महाविकास आघाडी प्रणित सहकार पॅनेल विजयी झाले आहे. रावेर विविध कार्यकारी सोसायटी मतदार संघात सहकारच्या उमेदवार जनाबाई गोंड महाजन यांनी जाहीर माघार घेत अपक्ष उमेदवार माजी आमदार अरुण पाटील यांना पाठिंबा दिला होता. परंतु मतदारांनी जनाबाई महाजन यांनाच एका मताने विजयी केले आहे. महाजन यांना २६ तसेच पाटील यांनी २५ मते मिळाली आहेत.

अन्य दोन विविध कार्यकारी सोसायटी मतदारसंघातही सहकार पॅनल विजयी झाले. यात यावल कार्यकारी सोसायटी मतदारसंघात महविकास आघडी प्रणित सहकार पॅनलचे विनोद पंडित पाटील, चोपडा विविध कार्यकारी सोसायटी मतदारसंघात सहकार पॅनलचे घनश्याम अग्रवाल विजयी झाले.

भुसावळ विविध कार्यकारी सोसायटी मतदार संघात भाजपचे आमदार व अपक्ष उमेदवार संजय सावकारे विजयी झाले. भाजपने निवडणुकीवर बहिष्कार टाकला होता. आमदार सावकारे यांनी आपली अपक्ष उमेदवारी कायम ठेवली हाेती. या ठिकाणी महाविकास आघाडीने त्यांच्या विरोधात उमेदवार उभा केला नव्हता.

edited by : siddharth latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com