जालना : श्रीक्षेत्र राजुर गणपती येथून गणेशाचे दर्शन घेऊन परतणाऱ्या भोकरदन शहरातील तरुणांच्या वाहनाला भीषण अपघात झाला. या अपघातात (Accident) दोन तरुणांचा जागीच मृत्यू झाला असून दोन तरुण गंभीर जखमी झाले आहेत.
त्यांना औरंगाबाद (Aurangabad) येथे उपचारासाठी दाखल करण्यात आले आहे. महत्त्वाचे म्हणजे शहरातील हे चौघेही तरुण गणपतीच्या दर्शनासाठी एकाच मोटरसायकलवर गेले होते. (Maharashtra News)
अंगारिका चतुर्थी असल्याने भोकरदन शहरातील चौघे तरुण एकाच दुचाकीवर दर्शनासाठी गेले होते. मध्यरात्री दर्शन झाल्यानंतर भोकरदनकडे (Jalna News) येत असताना पहाटे ४ वाजेच्या दरम्यान त्यांच्या दुचाकीला भीषण अपघात झाला.
या अपघातात भोकरदन येथील फत्तेपूर रस्त्यावरील निलेश हिरालाल चव्हाण (वय २०), प्रशांत आरके (वय २१) हे दोन तरुण जागीच ठार झाले. तर अनिकेत बाळू वाहुळे (वय १९) आणि आरेफ सलीम कुरेशी (वय २२) हे दोन तरुण गंभीर जखमी झाले.
दोघांची प्रकृती गंभीर
घटनेची माहिती मिळताच हसनाबाद पोलीस तातडीने घटनास्थळी पोहोचले. अपघात स्थळावरून तरुणांना राजूर येथील ग्रामीण रुग्णालयात दाखल केले. येथे डॉक्टटरांनी तपासून प्रशांत व निलेश याला मृत घोषित केले.
तर अनिकेत वाहूळे व आरेफ कुरेशी यांच्यावर प्राथमिक औषध उपचार करून जालना येथे हलविले. मात्र दोघेही गंभीर जखमी असल्याने त्यांना औरंगाबाद येथे हलविण्यात आले. या प्रकरणात राजूर पोलिस चोकीत अपघाताचा गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
