Jalna : रस्त्यावर पडलेल्या खड्ड्यांनी नागरिक वैतागले; केले अनोखे आंदोलन

जालन्यात चक्क खड्ड्यांची सजावट करवून खड्डयात गव्हाची पेरणी करत आंदोलन केलं आहे. सदर अनोखे आंदोलन जालना (Jalna) शहरात चर्चेचा विषय ठरला आहे.
jalna news
jalna news saam tv

जालना: पावसाळाच्या पार्श्वभूमीवर राज्यातील अनेक रस्त्यांवर खड्डे पडले आहेत. रस्त्यावरील खड्ड्यांमुळे काही जणांच्या मृत्यू झाल्याच्या घटना देखील घडल्या आहेत. या खड्ड्यांनी त्रस्त झालेल्या नागरिकांकडून आंदोलन करण्यात येते. आतापर्यंत नागरिक, विविध पक्षांच्या राजकीय कार्यकर्त्यांनी खड्ड्यांना फूल-हार वाहून, खड्ड्यात वृक्षारोपण, वाढदिवस साजरा करून अशी विविध पद्धतीने आंदोलन करण्यात आलं आहे. मात्र, जालन्यात चक्क खड्ड्यांची सजावट करवून खड्डयात गव्हाची पेरणी करत आंदोलन केलं आहे. सदर अनोखे आंदोलन जालना (Jalna) शहरात चर्चेचा विषय ठरला आहे. (Jalna News In Marathi )

jalna news
Nagpur : पेपर संपल्यानंतर मित्रांसोबत पोहायला गेला आणि घात झाला; नागपुरातील धक्कादायक घटना

जालना शहरातील लोकशाहीर अण्णाभाऊ साठे चौक ते मुक्तेश्वरद्वार या नवीन जालना शहरातील मुख्य रस्त्याला गेल्या अनेक दिवसांपासून मोठ्या प्रमाणात खड्डे पडले आहेत. या खड्ड्यांचा नागरिकांना यांचा त्रास सहन करावा लागत आहे. या खड्ड्यांमुळे त्रस्त झालेल्या नागरिकांकडून अनेक वेळा निवेदन देण्यात आलं आहे.

मात्र, प्रशासनाकडून कुठलीच कारवाई केली जात नाही. त्यामुळे त्रस्त नागरिकांनी खड्ड्यांचा प्रश्न न सोडवल्याने आज अचानक परिसरात बाँड-बाजा वाजवत खड्ड्यांची फुलांनी सजावट करत या खड्ड्यात गव्हाची पेरणी करायला सुरुवात केली. त्यानंतर या अनोख्या आंदोलनाची (Agitation) चर्चा संपूर्ण शहरभर पसरली.

jalna news
Jitendra Awhad : राज्यपाल कोश्यारींच्या माफीनाम्यानंतर आव्हाडांची पहिली प्रतिक्रिया; म्हणाले...

दरम्यान, या अनोख्या आंदोलनाची माहिती मिळताच नगर परिषदेचे मुख्याधिकारी संतोष खांडेकर यांनी तत्काळ आंदोलनास्थळी अभियंत्यांना पाठविले. मुख्यधिकाऱ्यांनी या आंदोलनाची दखल घेत दोन दिवसांत परिसर खड्डेमुख्त करण्याचे आश्वासन दिले आहे. त्यानंतर नागरिकांनी हे आंदोलन मागे घेत तत्काळ रस्ता दुरुस्ती करण्याची मागणी करत दोन दिवसांत खड्डेमुक्त न झाल्यास तीव्र आंदोलन करण्याचा इशारा दिला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com