Jalna Crime : जालन्यात राज्य उत्पादन शुल्क विभागाची मोठी कारवाई; तब्बल १४ लाखांचा गांजा जप्त

राज्य उत्पादन शुल्क विभागाच्या पथकाने जालना जिल्ह्यात कारवाईचा धडाका लावला आहे.
Jalna Crime News
Jalna Crime NewsSaam TV

जालना : राज्य उत्पादन शुल्क विभागाच्या पथकाने जालना (Jalna) जिल्ह्यात कारवाईचा धडाका लावला आहे. बुधवारी जिल्ह्यातील जाफराबाद तालुक्यातील निवडुंगा गावात धाड टाकून तब्बल १४ लाख ६१ हजारांच्या गांजाची झाडे जप्त करण्यात आली. याप्रकरणी एकाला ताब्यात देखील घेण्यात आलं. जिल्ह्यात गेल्या आठ दिवसात ही तिसरी कारवाई असल्यानं गांजा तस्करीचे मोठं रॅकेट सक्रिय असण्याची शक्यता वर्तविली जात आहे.  (Latest Marathi News)

Jalna Crime News
Nanded Crime : विवाहित महिलेला हॉटेलवर घेऊन गेला; तरुणासोबत घडली भयंकर घटना

गेल्या ८ दिवसात पोलिसांनी अवैधरित्या शेतात लावण्यात आलेल्या २८ लाखांच्या गांजा पिकांच्या जप्तीची कारवाई केली. अस असतानाच, राज्य उत्पादन शुल्क विभागाच्या पथकांनी जाफराबाद तालुक्यातील निवडुंगा गावात धाड टाकून तब्बल १४ लाख ६१ हजार रुपये किंमतीची ६९ गांजाची झाड जप्त केली आहे.

जाफराबाद तालुक्यातील निवडुंगा गावातील एका शेतकऱ्याच्या शेतात अवैधरित्या (Crime News) गांजाच्या पिकांची लागवड करण्यात आली असल्याची माहिती राज्य उत्पादक शुल्क विभागाच्या पथकाला मिळाली होती. या माहितीच्या आधारे पथकांनी निवडुंगा गावातील शेतकऱ्याच्या शेतात धाड टाकली. यावेळी उत्पादन शुल्काच्या पथकाने शेतात अडगळीच्या ठिकाणी लावण्यात आलेले ६९ गांजाची झाड शोधून काढली.

जप्त करण्यात आलेल्या गांजाची किंमत बाजार भावा प्रमाणे अंदाजे किंमत १४ लाख ६१ हजार रुपये असल्याचा अंदाज राज्य उत्पादन शुल्क विभागाच्या पथकांनी वर्तविला आहे. पथकांनी कारवाई दरम्यान एकाला ताब्यात घेतलं असून त्याच्याविरोधात अंमलीपदार्थाची लागवड केल्याप्रकरणी रात्री उशिरा गुन्हा दाखल केला आहे.

जिल्ह्यात गेल्या आठ दिवसात ही तिसरी कारवाई असल्यानं जिल्ह्यत गांजा तस्करीचे मोठं रॅकेट असण्याची शक्यता वर्तविली जात आहे. याप्रकरणी राज्य उत्पादन शुल्क विभाग व जिल्हा पोलिस अधिक्षक डॉ अक्षय शिंदे या प्रकरणी अधिक तपास करीत आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com