PFI Organisation: पॉप्युलर फ्रंट ऑफ इंडियाच्या जालना जिल्हाध्यक्षला एटीएसच्या पथकानं अटक केली. त्याला न्यायालयात हजर केला असता चार दिवसाची पोलिस कोठडी सुनावण्यात आली आहे. (Breaking Marathi News)
जालना शहरातील पॉप्युलर फ्रंट ऑफ इंडियाच्या जिल्हाध्यक्षला काल पुन्हा एटीएसच्या पथकाने ताब्यात घेऊन अटक केली. शेख उमेर शेख हबीब असं अटक करण्यात आलेल्या संशयिताचं नाव आहे. (Jalna Latest Marathi News)
तो पाप्युलर फ्रंट ऑफ इंडियाच्या जिल्हाध्यक्ष असल्याची माहिती समोर आली आहे. त्याला औरंगाबाद येथील न्यायालयात हजर केले असता त्याची चार दिवसाच्या पोलिस कोठडीत रवानगी करण्यात आली आहे. एटीएसच्या पथकाच्या रडारवर आणखी काही कार्यकर्ते असल्याची माहिती अधिकृत सूत्रांकडून मिळाली आहे. (Maharashtra News)
गेल्या महिन्यात एनआयए आणि दहशतवादी पथकांनी देशभरात पॉपुलर फ्रंट ऑफ इंडियाच्या कार्यालयावर छापेमारी करत टेरर फंडिंगप्रकरणी जवळपास २१ जणांना चौकशीसाठी ताब्यात घेतलं होतं. जालना शहरातील रहिवाशी असलेल्या अब्दुल हादी अब्दुल रौफ याला एनआयएच्या पथकाकडून जळगाव शहरातील एका परिसरातून अटक करण्यात आल्यानंतर शहरासह जिल्ह्यात एकच खळबळ उडाली होती.
त्यानंतर अब्दुल हादी अब्दुल रौफ याला चौकशीसाठी जालना शहरातील रहिमान गंज भागात असलेल्या त्याची घरी आणण्यात आले होते. पथकाकडून या परिसरातील त्याच्या घराची झाडाझडती घेत कसून चौकशी केली होती. दरम्यान त्याच्या लॅपटॉपसह महत्वाची कागदपत्र ही पोलिसांनी हस्तगत केल्या असल्याची माहिती समोर आली होती.
या चौकशी दरम्यान पॉपुलर फ्रंट ऑफ इंडियाच्या जिल्हाअध्यक्ष शेख उमेर शेख हबीब सह कार्यकर्त्यांनी पथकाचा विरोध दर्शवत जोरदार घोषणजी करत एनआयए गाे बॅक च्या जोरदार घोषणाही दिल्या होत्या. तेव्हा पासून शेख उमेर शेख हबीब यांच्यासह अनेक कार्यकर्ते एटीएसच्या रडारवर असल्याची माहिती समोर आली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.