Jalna Crime News : जालना जिल्ह्यातील भोकरदनच्या भारत फायनान्स शाखेचा कॅशियर ११ लाख रुपये घेऊन पसार झाल्याची घटना घडली आहे. तो महिला बचत गटाची रक्कम बॅंकेत जमा करण्यासाठी गेला अन् परतलाच नाही. त्यामुळे त्याच्या विराेधात शाखा व्यवस्थापकाने पाेलीसांत लेखी स्वरुपात तक्रार नाेंदवली आहे. (Maharashtra News)
पाेलिसांकडून मिळालेल्या माहितीनूसार सुधाकर यादव -अपुलवार (राहणार बितमाळ, ता. उमरी, जिल्हा नांदेड) भोकरदन (bhokardan) येथील भारत फायनान्स शाखेत कॅशियर म्हणून कार्यरत आहे. ताे संस्थेचे ११ लाख घेऊन पसार झाल्याची तक्रार शाखा व्यवस्थापक कृष्णा जाधव यांनी दिली आहे.
जाधव यांनी नेहमीप्रमाणे बचत गटाची जमा असलेली रक्कम सुधाकर याला देत तू बँकेत जावून जमा कर असे सांगितले हाेते. ११ लाख ५१ हजार ५६० रुपये इतके हाेते. लोनसाठी कोणी सभासद आल्यास त्यांना कर्जाचे वाटप करा व शिल्लक पैसे बँकेत जामा करा असेही सुधाकरला जाधव यांनी सांगितले हाेते.
त्यानंतर जाधव हे वसुलीसाठी भोकरदन तालुक्यातील वालसावंगी या गावाला गेले. दुपारनंतर सुधाकर याला त्यांनी वारंवार कॉल करूनही त्याने फोन उचलला नाही. त्यामुळे शाखा व्यवस्थापक यांनी भोकरदन शहर गाठले. सुधाकर याचा शोध घेतला. तसेच बँकेत जाऊन विचारणा केली असता तो कॅश जमा करण्यासाठी आलाच नसल्याची माहिती समोर आली.
त्यानंतर जाधव यांनी थेट भोकरदन पोलीस ठाणे गाठले. पोलिसांना माहिती देऊन सुधाकर यादव याच्या विराेधात लेखी तक्रार दिली. या प्रकारणी भोकरदन पोलिसांनी सुधाकर यादव- अपुलवार याचा शोध सुरु केला आहे. या घटनेने शहरात एकच खळबळ उडाली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
