Jalna News: मुलीच्या लग्नासाठीची जमविलेली पुंजी लांबविली; दागिने व पैशावर चोरट्यांचा डल्ला

मुलीच्या लग्नासाठीची जमविलेली पुंजी लांबविली; दागिने व पैशावर चोरट्यांचा डल्ला
Jalna News
Jalna NewsSaam tv

जालना : मुलीच्या लग्नासाठी जमा करून ठेवलेले दागिने आणि पैशांवर चोरट्यांनी डल्ला मारल्याची घटना जालना (Jalna) जिल्ह्यातील अंबड तालुक्यात घडली. आज मध्‍यरात्रीनंतर सदर घटना घडली आहे. (Breaking Marathi News)

Jalna News
Measles: जळगावातही गोवरची साथ; शहरात आढळले ११ रुग्ण

अंबड तालुक्यातील धाकलगावात राहणाऱ्या सलीम मन्सून पठाण या शेतकऱ्याने (Farmer) आपल्या मुलीच्या लग्नासाठी (Marriage) दोन तोळे सोन्याचे दागिने आणि रोख 85 हजार रुपयांची रक्कम जमा करून आपल्या घरातील कपाटातील एका पेटीत ठेवली होती. ज्या घराच्या रुममध्ये हे कपाट होते, त्याचं रुममध्ये कापूस (Cotton) टाकण्यात आला होता. त्या रूमला बाहेरून कुलुप लावून बंद करून कुटुंब शेजारील रुममध्ये झोपलेले होते.

कुटुंब झोपलेल्‍या रूमचा दरवाजा केला बंद

दरम्‍यान रात्रीच्या सुमारास अज्ञात चोरट्यानी कुटुंब झोपलेल्या रूमची कडी बाहेरून लावून दागिने असलेल्या दरवाजाचे कुलुप तोडून आत प्रवेश केला. यानंतर कपाटातील दोन तोळे सोन्याचे दागिने आणि रोख 85 हजार रुपयांची रक्कम चोरी करून धूम ठोकली.

पोलिसांकडून तपास सुरू

पठाण हे सकाळी चार वाजता लघुशंकेला उठले असता त्यांच्या दरवाजाची कडी कुणी तरी बाहेरून लावल्याचे लक्षात आले. यानंतर त्यांनी छतावरून खाली उतरून पाहिले असता त्यांच्या घरात चोरी झाल्याची बाब त्यांच्या लक्षात आली. नंतर त्यांनी घटनेची माहिती गोंदी पोलिसांना दिल्यानंतर पोलिसांनी घटनास्थळी धाव घेऊन तपास सुरू केला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com