कल्याणमध्ये दोन लाखाच्या बनावट नोटा जप्त; पोलिसांची मोठी कारवाई

कल्याणमधील पोलिसांनी बनावट नोटांविरोधात मोठा कारवाई केली आहे.
kalyan crime news
kalyan crime news saam tv

कल्याण : कल्याणमधील (Kalyan) पोलिसांनी बनावट नोटांविरोधात (Fake Notes) मोठी कारवाई केली आहे. कल्याण येथील एका विश्रांती गृहात छापा मारून कल्याणमधील महात्मा फुले पोलीस ठाण्याच्या पोलिसांनी दोन लाख रुपयांच्या बनावट नोटा जप्त केल्या आहेत. याप्रकरणी पोलिसांनी तीन जणांना अटक केली आहे. (Kalyan Crime News )

kalyan crime news
कॉफीत टाकले गुंगीचे औषध, अश्लील फोटो काढून महिलेकडे शारिरीक सुखाची मागणी, त्यानंतर...

मिळालेल्या माहितीनुसार, पोलिसांनी याप्रकरणी करण रजक (रा. पत्रीपूल), सुरत पुजारी (रा. पत्रीपूल), मोहम्मद आरिफ (रा. उत्तर प्रदेश) या आरोपींना अटक केली आहे. करण हा पत्रीपुलाजवळ राहतो आणि तो रिक्षा चालविण्याचा व्यवसाय करतो. तर सुरज हा रेल्वे स्थानक भागात हमालाचे काम करतो आणि काही दिवस मोहम्मद पत्रीपूल भागात राहत होता. त्याची करण, सुरजशी ओळख झाली होती. या तीन जणांचा मुख्य सूत्रधार दिल्लीत आहे. तो या बनावट नोटा वितरित करण्याचे काम करतो, अशी प्राथमिक माहिती पोलिसांना मिळाली असून त्याचा शोध पोलीस घेत आहेत.

पोलिसांनी दिलेल्या माहितीनुसार, भारतीय चलानातील २०० रुपयांच्या दोन लाख रुपयांच्या नोटा छाप्यातून पोलिसांनी जप्त केल्या आहेत. महात्मा फुले पोलीस ठाण्याचे पोलीस निरीक्षक दीपक सरोदे यांना कल्याण पश्चिमेतील एका विश्रांती गृहात एका खोलीत तीन जण थांबले आहेत. ते बनावट नोटांचा व्यवहार करण्यासाठी आले आहेत, अशी गुप्त माहिती मिळाली होती.पोलिसांनी त्वरित विश्रांती गृहा भोवती सापळा लावला. जेणेकरून आरोपी पळून जाता कामा नये. साध्या वेशातील एक पोलीस आरोपी बसलेल्या खोलीत पाठविण्यात आला. त्याने तीन जणांना ‘तुम्ही येथे काय करता’ अशी विचारणा केली.

kalyan crime news
नात्याला काळीमा! सख्ख्या भावाने बहिणीचे केले लैंगिक शोषण, आरोपी पोलिसांच्या ताब्यात

त्यावेळी तीन जण घाबरले. ते उलट सुलट उत्तरे देऊ लागले. त्यांनी खोलीतून पळण्याची तयारी सुरू केली. पोलिसाने वरिष्ठांना इशारा करताच एकावेळी शोध पथक खोलीत शिरले आणि तीन जणांना ताब्यात घेतले. खोलीतील सर्व वस्तू ताब्यात घेण्यात आल्या.पोलीस ठाण्यात आणून त्यांची चौकशी केली असता, पोलिसांना त्यांच्या जवळ भारतीय चलनी व्यवहारातील दोन लाख रुपयांच्या दोनशे रुपयांच्या नोटा आढळल्या आहेत. दरम्यान बनावट नोटा विविध प्रकारच्या दुकानांमध्ये जाऊन वस्तू खरेदीच्या माध्यमांतून वटविल्या जात होत्या, अशी माहिती आरोपींनी पोलिसांना दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com