अभिजीत देशमुख..
Kalyan: पाच वर्षीय मुलाला शिक्षकाकडून बेदम मारहाण करण्यात आल्याची धक्कादायक प्रकार समोर आला आहे. कल्याणमधील आदर्श हिंदि हायस्कूलमध्ये ही संतापजनक घटना घडली आहे. या मारहाणीत मुलाला दुखापत झाली आहे. या पीडित पाच वर्षीय मुलावर रुग्णालयात उपचार सुरू आहेत. या प्रकरणी महात्मा फुले पोलीस ठाण्यात शिक्षक अशोक तिवारी विरोधात गुन्हा दाखल करण्यात आला आहे. (Kalyan News)
याबाबत समोर आलेल्या माहितीनुसार, सदर मुलगा आई वडिलांसह कल्याण पश्चिम परिसरातील चीकनघर परिसरात राहतो .पीडित मुलगा हा कल्याणमधील आदर्श हिंदी हायस्कूल मध्ये शिक्षण घेत आहे .काल सायंकाळी चार वाजण्याच्या सुमारास पीडित मुलगा वर्गातील एका मुलाबरोबर मस्ती करत होता .त्यामुळे संतापलेले शिक्षक अशोक तिवारी यांनी या पाच वर्षाच्या मुलाला हाताच्या चापटीने व छडीने बेदम मारहाण केली.
तिवारी यांनी मुलाला इतके मारले की मुलाच्या तोंडावर, हातावर, पायावर मारहाणीचे वण उठले होते. मुलगा घरी गेल्यानंतर आई-वडिलांनी त्याची अवस्था पाहिली. त्यांनी तात्काळ त्याला रुग्णालयात नेले. या प्रकरणी महात्मा फुले पोलीस ठाण्यात मारकुट्या शिक्षक अशोक तिवारी याच्या विरोधात गुन्हा दाखल करण्यात आला पोलीस तपास सुरू आहे. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
