अभिजित देशमुख
कल्याण : कल्याणजवळ टिटवाळा परिसरात एका ठेकेदारावर अज्ञात इसमानी गोळीबार केल्याची घटना घडली. उमेश साळुंखे असे ठेकेदाराचे नाव आहे. उमेश याच्या छातीला गोळी लागली असून त्याच्यावर मुंबई (Mumbai) येथील रुग्णालयात उपचार सुरू आहेत. हल्ल्यानंतर अज्ञात हल्लेखोर हे पसार झाले असून या प्रकरणी टिटवाळा (Titwala) पोलीस पुढील तपास करत आहेत. (Maharashtra News)
कल्याणजवळ असलेल्या टिटवाळ्यातील सावरकरनगर परिसरात उमेश साळुंखे राहतात. टिटवाळा परिसरात राहणारे उमेश साळुंखे ठेकेदार असून रविवारी रात्रीच्‍या सुमारास ते घराबाहेर उभे होते. याच दरम्‍यान काळ्या रंगाची गाडी आली. गाडीमधून अज्ञात हल्लेखोरांनी उमेश यांच्या दिशेने गोळीबार केला. या हल्ल्यात उमेश साळुंखे यांच्या छातीला गोळी लागली. काही क्षणातच हल्लेखोर त्या ठिकाणाहून पसार झाले.
हल्लेखोरांना तपास सुरू
जखमी झालेल्या उमेश साळुंखेला उपचारासाठी मुंबई येथील रुग्णालयात दाखल करण्यात आले. घटनेची माहिती मिळताच टिटवाळा (Police) पोलिसांनी घटनास्थळी धाव घेत तपास सुरू केला आहे. हल्लेखोरांच्या शोधासाठी टिटवाळा पोलिसांनी पथक तयार केले असून हा हल्ला का व कोणी केला? याबाबत हल्लेखोरांना अटक झाल्यानंतर स्पष्ट होणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
