अभिजीत देशमुख
कल्याण : कल्याण पूर्व चक्की नाका परिसरातील सार्वजनिक शौचालयाच्या टेरेसला लागून असलेल्या ट्रान्सफॉर्मरच्या वीजेच्या वायरचा झटका (Kalyan News) लागल्याने १२ वर्षाचा मुलगा गंभीररित्या भाजला आहे. आज दुपारच्या सुमारास ही घटना घडली. सोनू राम असे मुलाचे नाव असून त्याला खाजगी रुग्णालयात (Hospital) उपचारासाठी दाखल करण्यात आले आहे. (Live Marathi News)
कल्याण पूर्वेत चक्कीनाका येथे सार्वजनिक शौचालय आहे. या शौचालयाची देखभाल पे अँड यूज या तत्वावर मेघनाथ राम करतात. ते त्यांच्या कुटुंबासह शौचालयाच्या टेरेसवरच वास्‍तव्‍यास राहतात. शौचालयाच्या भिंतीला लागूनच विजेचा ट्रान्सफार्मर आहे. या ट्रान्सफार्मची वायर शौचालयाच्या टेरीसला लागून आहे. आज दुपारच्या सुमारास मेघनाथ यांचा मुलगा सोनू हा टेरेसवर खेळत होता. त्याला विजेच्या वायरचा जोराचा झटका (Electric Shock) लागल्याने तो गंभीररित्या भाजला आहे. त्याला उपाचारासाठी कल्याण डोंबिवली महापालिकेच्या रुक्मीणीबाई रुग्णालयात नेण्यात होते.
मुलाची प्रकृती गंभीर
मात्र मुलाची प्रकृती गंभीर असल्याने त्याला (Dombivali) डोंबिवलीतील एम्स या खाजगी रुग्णलायात दाखल करण्यात आले आहे. त्याच्यावर उपचार सुरु आहे. दरम्यान वीजेचा ट्रान्सफार्मरला लागूनच पालिकेने शौचालय उभारले आहे. सोनू याच्या अपघातानंतर भविष्यातही अशा प्रकारची दुर्घटना होऊ शकते. त्यामुळे महापालिकेने या ठिकाणी शौचालय बांधलेच कसे असा सवाल उपस्थित करण्यात येतोय.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
