Crime News: प्लॅटफॉर्मवर गाढ झोपेतील प्रवाशाचे मोबाईल, दागिन्‍यांची चोरी; चोरटा सीसीटीव्‍हीमध्‍ये कैद

अभिजीत देशमुख

कल्याण : बदलापूर रेल्वे स्थानकावर गाढ झोपलेल्या प्रवाशाची मोबाईल रोकड व सोन्याचे दागिने घेऊन पसार झाला होता. या चोरट्याला (Kalyan) कल्याण गुन्हे लोहमार्ग पोलीसानी (Railway Police) बेड्या ठोकल्या. अनिल मासवकर असे चोरट्याचे नाव असून तो सराईत चोरटा असल्याचे समोर आले आहे. (Breaking Marathi News)

तक्रारदार प्रवासी बदलापूर रेल्वे स्टेशनवरील एक नंबर प्लॅटफॉर्मवर १० फेब्रुवारीला रात्रीच्या सुमारास थकवा आल्याने झोपला होता. त्याला गाढ झोप लागली होती. ही संधी साधत अज्ञात चोरट्याने त्याच्या जवळील मोबाईल, रोख रक्कम व सोन्याचे दागिने असा एकूण १ लाख ४५ हजारांचा मुद्देमाल चोरून नेला. याप्रकरणी कल्याण लोहमार्ग पोलीस ठाण्यात गुन्हा दाखल करण्यात आला होता.

चोरट्याकडून दागिने, रक्‍कम हस्‍तगत

या गुन्ह्याचा समांतर तपास कल्याण गुन्हे शाखा देखील करत होती. या चोरट्याचा शोध घेण्यासाठी कल्याण रेल्वे गुन्हे शाखेच्या पथकाने बदलापूर, अंबरनाथ, कल्याण, डोंबिवली स्टेशनचे सीसीटीव्ही तपासले. या चोरट्याची ओळख पटवून त्याला डोंबिवली येथून ताब्यात घेण्यात आले. अनिल मासवकर असे चोरट्याचे नाव असून त्याच्याकडून पोलिसांनी चोरलेले दागिने व रोख रक्कम हस्तगत केली आहे.