कल्याण: लोकलमध्ये महिला डब्यात गर्दीचा फायदा घेत चोरी; चोर महिलेला बेड्या

प्रदीप भणगे

कल्याण : धावत्या लोकल ट्रेनमध्ये गर्दीचा फायदा घेत महिला डब्यात महिलांची पर्स चोरी करणाऱ्या एका सराईत महिला चोराला कल्याण रेल्वे पोलिसांनी अटक केली आहे. या महिलेनं आत्तार्पयत किती महिलांची पर्स लांबविल्या आहेत? याचा तपास पोलिस करीत आहे. (Kalyan Crime News)

रायगडमध्ये राहणाऱ्या (दुर्गा ब्राह्मणो) ही 35 वर्षीय महिला गुरुवारी दुपारी सीएसटी लोकल ट्रेनमधून प्रवास करीत होती. कल्याण स्थानकात गाडी आल्यावर त्यांच्याजवळील रोकड आणि महत्वाची कागदपत्रे असलेली पर्स चोरी झाल्याची त्यांच्या लक्षात आलं. दुर्गा यांनी त्वरीत फलाटावर असलेल्या महिला पोलिसाला सांगितलं.

हे देखील पहा-

महिला पोलिसांनी लोकल डब्यात चढून तपासणी सुरु केली. याच दरम्यान एक संशयीत महिला त्याच डब्यात दिसून आली. महिला पोलिसांनी तिला ताब्यात घेतलं. ताब्यात घेतलेल्या महिलेची झडती घेतली असता तिच्याकडे दुर्गा हिची गायब झालेली पर्स मिळून आल्याने पोलिसांनी गुन्हा दाखल करत त्या महिलेला अटक केली आहे आरोपी महिलाही सराईत गुन्हेगार असून तानाजी पवार असे या महिलेचे नाव आहे.