- विनायक वंजारे
Sindhudurg News : आंबाेली (Amboli) दरीत एकाचा मृतदेह टाकण्यासाठी आलेल्या कराड (Karad) येथील एकाचा पाय घसरुन पडल्याने मृत्यू झाला आहे. दरीत पडून मृत्यू झालेल्या त्याच्या सहका-याला पाेलिसांनी तूर्तास ताब्यात घेतले आहे. संबंधिताची चाैकशी सुरु असल्याची माहिती पाेलिसांनी (police) दिली. (Breaking Marathi News)
या घटनेबाबत मृत्यू झालेल्या सहका-याने पाेलिसांना आणि माध्यमांना दिलेली माहिती अशी : माझ्या कराड (karad) येथील मित्राकडून एकाने वीटभट्टी व्यवसायासाठी एकाला दोन ते तीन लाख रुपये दिले होते. हे पैसे परत करत नसल्यानं त्या व्यक्तीला गाडीत घालून मारहाण केली.
यावेळी त्यास हदयविकाराचा झटका आला. त्यात त्याचा मृत्यू झाला. त्यामुळे आम्ही घाबरलाे. त्याचा मृतदेह टाकण्यासाठी आंबोली घाटात आलाे. काल (साेमवार) रात्री साधारणत: साडे सात आठ वाजता घाटात आलाे.
त्याचा मृतदेह टाकताना माझ्या मित्राचा पाय घसरला आणि तो देखील मृतदेहासह दरीत पडला. मला फार भिती वाटल्याने मी गाडीत बसून राहिलाे. या घटनेची माहिती पाेलिसांना मिळताच ते देखील येथे आले. दरम्यान पाेलिसांनी दोन्ही मृतदेह दरीतून बाहेर काढले आहेत. पाेलिस घटनेचा कसून तपास करीत आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
