Ahmednagar News: आगामी महाराष्ट्र विधानसभा निवडणूक ही २०२४ साली होणार आहे. महाराष्ट्र विधानसभा निवडणूक होण्याआधीच कार्यकर्त्यांना या निवडणुकीचे वेध लागले आहे. या निवडणुकीत कर्जत-जामखेड मतदार संघात २०२४ साली कोण निवडून येणार, हा प्रश्न कार्यकर्त्यांना पडला आहे. या प्रश्नावरून दोन कार्यकर्त्यांमध्ये थेट एक लाख रुपयांची पैंज लागली आहे. (Latest Marathi News)
कर्जत-जामखेड मतदार संघात २०२४ च्या महाराष्ट्र विधानसभा निवडणुकीत आमदार रोहित पवार की राम शिंदे जिंकणार, हा प्रश्न मतदारसंघातील कार्यकर्त्यांना सतावत आहे. या प्रश्नावरून थेट कार्यकर्त्यांनी १ लाखांची पैंज लावलं आहे. कर्जत-जामखेड मतदार संघातील या पैंजेची जिल्ह्यात चर्चा सुरू झाली आहे.
अहमदनगरच्या कर्जत-जामखेड मतदार संघात २०२४ साली कोण निवडून येणार, आमदार रोहित पवार की आमदार राम शिंदे, यावरून पैंज कार्यकत्यामध्ये लागली आहे. रोहित पवार यांचे समर्थक विशाल डोळे आणि रामद शिंदे यांचे समर्थक जायभाय यांच्यात पैंज लागली आहे.
या पैंजेसाठी या दोघांनी विष्णू जायभाय या मध्यस्थीकडे चेक जमा केलं आहे. निवडणुकीला एक वर्ष बाकी असताना कार्यकर्त्यांचा आत्ताच उत्साह शिगेला पोचला आहे. जिल्हयात या १ लाख रुपयांची पैंजेची जोरदार चर्चा सुरू आहे.
दरम्यान, रोहित पवार हे कर्जत-जामखेडचे आमदार आहेत. ते राष्ट्रवादी कॉँग्रेस पक्षाचे नेते आहेत. तर राम शिंदे हे भाजपचे नेते असून ते विधान परिषदेचे सदस्य आहेत. त्यांचा २०२९ मध्ये रोहित पवार यांनी महाराष्ट्र विधानसभा निवडणुकीत पराभव केला होता.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
