Chandrashekhar Bawankule: 'मला वाटतं त्यांनी..'; बावनकुळेंचा शरद पवारांना खोचक सल्ला; कसबा निकालावरून साधला निशाणा

Sharad Pawar On Kasba Byelection Result: पुण्यामध्ये झालेला बदल पाहता लोक वेगळ्या विचारात आहेत," हे स्पष्ट होत असल्याचे विधान शरद पवार यांनी केले होते..
sharad pawar and chandrashekhar bawankule
sharad pawar and chandrashekhar bawankule saam tv

Kasba Peth Byelection Result: राज्याच्या राजकारणात सध्या कसबा आणि चिंचवड पोटनिवडणूकीच्या निकालाची चर्चा पाहायला मिळत आहे. भाजपच्या बालेकिल्ल्यात कॉंग्रेसने गुलाल उधळल्यानंतर भाजप नेत्यांवर चौफेर टीका होताना दिसत आहे. तसेच राष्ट्रवादीचे अध्यक्ष शरद पवार यांनीही देशभरात बदलाची लाट असल्याचे सांगत भाजपवर निशाणा साधला होता.

त्यानंतर आता शरद पवारांनी (Sharad Pawar) केलेल्या टिप्पणीवर भाजपानं प्रत्युत्तर दिलं आहे. भाजपा प्रदेशाध्यक्ष चंद्रशेखर बावनकुळे यांनी या विधानावरून शरद पवारांना खोचक सल्ला दिला आहे. (Maharashtra Politics)

sharad pawar and chandrashekhar bawankule
Sandeep Deshpande News : ...म्हणून माझ्यावर हल्ला झाला; संदीप देशपांडेंनी सांगितला संपूर्ण घटनाक्रम

काय म्हणाले चंद्रशेखर बावनकुळे.....

शरद पवारांनी केलेल्या वक्तव्यावर बोलताना चंद्रशेखर बावनकुळे (Chandrashekhar Bawankule) यांनी "चिंचवडमध्ये दोघांच्या मतांची बेरीज केली तरी आम्ही अधिक आहोत. आम्ही ५१ टक्क्यांची लढाई जिंकलीये. चिंचवडमध्ये अश्विनी जगताप ५१ टक्क्यांची लढाई जिंकून निवडून आल्या आहेत. एकीकडे ४ टक्के मागे पडलो आहोत. ही ४ टक्के मतं भरून काढणं ही आमची जबाबदारी आहे. पुन्हा जनतेमध्ये जाऊ. पुन्हा जनतेला विश्वासात घेऊ. काही आमच्याकडून चुकलं असेल तर ते दुरुस्त करू” अशी प्रतिक्रिया दिली आहे.

तसेच "शरद पवारांनी काल तीन राज्यांचे निकाल बघितले नसतील.त्यांनी आज ते बघून घ्यावेत. संपूर्ण काँग्रेस साफ झालीये. राहुल गांधींनी भारत जोडो यात्रेच्या माध्यमातून पक्ष जोडण्याचा प्रयत्न केला. पण उलट पक्ष कमी झाला. तीन राज्य हातातून गेले. शरद पवार जे सांगत आहेत ते कार्यकर्त्यांना आवाहन करण्यासाठी सांगत आहेत," असा टोलाही त्यांनी लगावला आहे..

sharad pawar and chandrashekhar bawankule
Kirit Somaiya : भाजप नेते किरीट सोमय्यांच्या कार्यालयातच घोटाळा; साडेसात लाखांची फसवणूक

काय म्हणाले होते शरद पवार.....

"कसबा आणि चिंचवड पोट निवडणूकीच्या निकालावर बोलताना आम्ही जी मतांची माहिती घेतली, त्यावरून तर फक्त दोन ठिकाणी भाजपाला जास्तीची मतं मिळाली. नाहीतर सरसकट सगळीकडे भाजपा मागे आहे. शनिवार पेठ, सदाशिव पेठ, नारायण पेठ अशा बहुसंख्य ठिकाणी रवींद्र धंगेकरांना जास्तीची मतं मिळाली. हा बदल आहे. हा बदल पुण्यात होतोय याचा अर्थ लोक वेगळ्या विचारात आहेत," हे स्पष्ट होत असल्याचे विधान शरद पवार यांनी केले होते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com