नाशिक: इगतपुरी तालुक्यात किरकोळ वादातून हत्या झाल्याची धक्कादायक घटना घडली आहे. ईगतपुरीत भरदिवसा चाकूहल्ला (Knife Attack) करून तरुणाचा खून (Murder) झाला आहे. ईगतपुरी (Igatpuri) शहरातील रेल्वे तलावावर अंघोळीसाठी गेलेल्या तरुणावर चाकूहल्ला करून वार करण्यात आल्यानं या हल्ल्यात तरुणाचा मृत्यू झाला आहे. तर संशयित आरोपी फरार झाले आहेत. या घटनेमुळे शहरात खळबळ उडाली आहे. (Knife Attack on a Young man over a bathing argument; The young man died on the spot in igatpuri)
हे देखील पाहा -
विशाल ठवळे असं खून झालेल्या तरुणाचं नाव असून तो आपल्या मुलासोबत आणि भाच्यासोबत रेल्वे तलावावर अंघोळीसाठी गेला होता. त्याचवेळी २ तरुणी आणि २ ते ३ तरुण त्या ठिकाणी मद्यपान करत होते. विशाल अंघोळीसाठी पाण्यात उतरल्यानंतर दोन्ही तरुणीही पाण्यात उतरल्या. विशालचे कपडे बाहेर असल्याने ते ओले होऊ नये, यासाठी विशालने तरुणींना समजावलं. त्यानंतर तरुणीसोबत असलेल्या २ तरुणांनी विशालशी हुज्जत घालून त्याला दम द्यायला सुरुवात केली.
या सर्व गोंधळात एका तरुणाने विशालच्या मानेवर चाकूने वार केल्याने विशालचा मृत्यू झाला आहे. दरम्यान या प्रकारानंतर संशयित आरोपी फरार झाले असून ईगतपुरी पोलीस ठाण्यात याप्रकरणी गुन्हा दाखल करण्यात आला असून पोलीस फरार आरोपींचा शोध घेत आहेत.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
