Kolhapur Crime News : रुईकर कॉलनीतील बंगल्यात दराेडा, 20 ताेळे साेन्यासह राेकड लूटली; काेल्हापूर पोलीसांचा तपास सुरु

- रणजीत माजगावकर

Kolhapur News : कोल्हापूरातील रुईकर कॉलनी (ruikar colony kolhapur) परिसरातील एका बंगल्यात दराेडा पडल्याने एकच खळबळ उडाली आहे. या बंगल्यात तब्बल तीन तास दराेडेखाेरांचा वावर होता असे सीसीटीव्हीच्या माध्यमातून निदर्शनास येत आहे. पाेलिस या घटनेचा कसून तपास करीत आहेत. (Maharashtra News)

ही घटना काल मध्यरात्री एक वाजण्याच्या सुमारास घडली. अज्ञात दरोडेखोरांनी रुईकर कॉलनी परिसरात असणाऱ्या एका बंगल्यात प्रवेश करत सुमारे वीस तोळे सोन्याच्या दागिन्यांसह 15 हजार रुपयांची रोकड लूटली. याबाबतची तक्रार सुरज सुतार यांनी पाेलिसांत दिली.

पाेलिसांकडून मिळालेल्या माहितीनूसार निरंजन वायचळ यांच्या बंगल्यात सुरज हिराप्पा सुतार हे भाड्याने राहतात. सुरज सुतार हे पत्नी, मुलगी आणि भाच्यासह बंगल्यातील एका रूममध्ये झोपले होते. काल रात्री एक वाजण्याच्या सुमारास अज्ञात चोरट्याने त्यांच्या घराच्या खिडकी घरात प्रवेश केला.

बंगल्यातील एका रूममधील तिजोरीतील साहित्य विस्कटून तिजोरीतील सुमारे 20 तोळे सोन्याचे दागिने आणि पंधरा हजारांची रोकड लंपास केली. तब्बल तीन तास चोरटे या बंगल्यात वावरत होते.

(kolhapur) सकाळी सातच्या सुमारास सुरज सुतार आणि कुटुंबीय उठल्यानंतर त्यांना बंगल्यात चोरी झाल्याचं निदर्शनास आलं. त्यानंतर त्यांनी तात्काळ शाहूपुरी पोलिसांसह स्थानिक गुन्हे अन्वेषण शाखेला याबाबतची माहिती दिली. सध्या पोलीस या परिसरातील सीसीटीव्हीच्या आधारे चोट्यांचा शोध घेताहेत.

Edited By : Siddharth Latkar