Chandrashekhar Bawankule: पटोलेंविरोधात ठिय्या आंदोलन, बावनकुळेंना पोलिसांनी ताब्यात घेतलं

नाना पटोले यांच्याविरोधात गुन्हा दाखल करण्याच्या मागणीसाठी भाजपने आक्रमक पवित्रा घेतला आहे.
Chandrashekhar Bawankule: पटोलेंविरोधात ठिय्या आंदोलन, बावनकुळेंना पोलिसांनी ताब्यात घेतलं
Chandrashekhar Bawankule Saam Tv

नागपूर : काँग्रेस प्रदेशाध्यक्ष नाना पटोले (Nana Patole) यांनी पंतप्रधान मोदी यांच्या विरोधात वादग्रस्त वक्तव्य केल्याचा भाजपचा आरोप आहे. त्याप्रकरणी नाना पटोले यांच्याविरोधात गुन्हा दाखल करण्याच्या मागणीसाठी भाजपने आक्रमक पवित्रा घेतला आहे. यादरम्यान ठिय्या आंदोलनावर बसलेले भाजपचे नेते चंद्रशेखर बावनकुळे (Chandrashekhar Bawankule) यांना पोलिसांनी ताब्यात घेतलं आहे (Koradi Police Took Chandrashekhar Bawankule In Custody).

Chandrashekhar Bawankule
पंतप्रधानांच्या सुरक्षेमधील त्रुटीबाबत गृहमंत्री अमित शाह यांनी उत्तर द्यावे : नाना पटोले

भाजपचे नेते चंद्रशेखर बावनकुळे (Chandrashekhar Bawankule) यांनी कोराडी पोलीस ठाण्यात ठिय्या मांडला होता. नाना पटोले त्यांच्यावर गुन्हा दाखल करावा, या मागणीसाठी बावनकुळे यांनी हा ठिय्या मांडला होता. यावेळी प्रकरण तपासल्यावर कारवाई करु, असं आश्वासन पोलिसांनी दिलं होतं.

Chandrashekhar Bawankule
Nagpur Rain Update: नागपुरात पावसामुळे शेतीचं नुकसान, सरकारला फिकीर नाही - चंद्रशेखर बावनकुळे

मात्र, गुन्हा दाखल करण्यासाठी आग्रही असल्यानं आणि ठिय्या आंदोलन थांबवत नसल्यानं पोलिसांनी चंद्रशेखर बावनकुळे यांना ताब्यात घेतलं. भाजप (BJP) नेते चंद्रशेखर बावनकुळे यांचा कोराडी पोलीस ठाण्यात ठिय्या आंदोलन केलं. तसेच, बावनकुळे यांनी काल कुही पोलीस ठाण्यात गुन्हा दाखल केला होता. आज कोराडी पोलीस ठाण्यात गुन्हा दाखल करण्याची मागणी त्यांनी केली होती.

नागपुरात नाना पटोले यांच्या निवासस्थानाबाहेर सुरक्षा वाढवली

नाना पटोले यांच्या वक्तव्यानंतर भाजप आक्रमक झालीय. याच पार्श्वभूमीवर नागपुरात नाना पटोले यांच्या निवासस्थानाबाहेर सुरक्षा व्यवस्था वाढविण्यात आलीये. पटोले यांनी केलेल्या वक्तव्यानंतर भाजप राज्यभरात आंदोलन करत आहे. त्यांच्यावर गुन्हा दाखल करावा, त्यांना अटक करावी, यासाठी भाजप आक्रमक आहे. त्यामुळे खबरदारी म्हणून पटोले यांच्या नागपूर आणि मुंबईतील निवासस्थानाबाहेर पोलीस बंदोबस्त वाढविण्यात आलाय.

Edited By - Nupur Uppal

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com