Indapur Fire News: इंदापूरात अग्नितांडव! सतत आग लागण्यामागे कारण काय?

मंगेश कचरे

Indapur News: इंदापूर येथून आगीचे मोठे वृत्त समोर आले आहे. शहरात नगर परिषदेच्या कचरा डेपोला आग लागली आहे. पुणे जिल्ह्यात इंदापूर शहरातील ज्योतिबा माळ परिसरातील इंदापूर नगरपरिषदेच्या कचरा डेपोला शनिवारी रात्री उशिरा आग लागली. (Fire News)

या आधी देखील येथे अशाप्रकारची मोठी आग (Fire) लागली होती. आता पुन्हा एकदा आग लागल्याचा प्रकार घडला आहे. सातत्याने असे प्रकार घडत असल्याने नागरिकामधून आश्चर्य व्यक्त केले जात आहे.

भायखळ्यातील घोडपदेव परिसरात भीषण आग; चार घरे भस्मसात

५ दिवसांपूर्वी मुंबईतील भायखळा येथील घोडपदेव परिसरात भीषण आग लागली होती. घोडपदेवमधील हारुसिंग शोभराज चाळीतील आगीत चार घरे भस्मसात झाली आहेत. चाळकऱ्यांना तात्काळ घराबाहेर काढल्याने जीवितहानी टळली.

शॉर्ट सर्किटने घराला लागली आग

अधिक दाबाच्या विजेमुळे शॉर्ट सर्किट होऊन घराला आग लागल्याची मोठी दुर्घटना समोर आली आहे. यात घरातील साहित्य जळून खाक झाले आहे. भंडारा जिल्ह्यातील लाखांदूर तालुक्यातील भागडी येथे ही घटना घडली. कैलास भजन वासनिक (४८) असे पीडित घरमालकाचे नाव आहे.

गावामध्ये कमी अधिक दाबाचा वीजपुरवठा सुरू होता. घटनेच्या वेळी कैलास यांची पत्नी व मुलगा शेत शिवारात गेले होते. घरानजीक कार्यक्रम घरातील टीव्ही होम थिएटर व अन्य साहित्य पूर्णतः जळून खाक झाले. दरम्यान, घरात अचानक शॉर्ट सर्किट होऊन आग लागली. घरातील साहित्य जळू लागले. घराजवळ खेळत असलेल्या मुलांना घरातून धूर निघताना दिसल्याने त्यांनी आरडाओरड करून घटनेची माहिती परिसरातील नागरिकांना दिली.

नागरिकांनी धाव घेऊन वीजपुरवठा खंडित करून आग विझविण्याचा आटोकाट प्रयत्न केला. मात्र, यामध्ये वासनिक यांच्या घरातील विद्युत उपकरणांसह काही साहित्य जळून खाक झाले होते. या घटनेत त्यांचे जवळपास एक लाख रुपयांचे नुकसान झाल्याचे सांगण्यात येत असून कैलास वासनिक यांच्याकडून नुकसान भरपाईची मागणी केली जात आहे.