लातूर : लातूर शहरातील बदाडे नगर येथे राहणाऱ्या एका ३५ वर्षीय ट्रक चालकाने रिंगरोड लगतच्या शेतात लिंबाच्या झाडाला (Latur News) गळफास घेत आत्महत्या केल्याची घटना घडली. सिद्धांत शिवाजी सांगलीकर असे मृत तरुणाचे नाव आहे. याबाबत गांधी चौक (Police) पोलिस ठाण्यात नोंद करण्यात आली आहे. (letest Marathi News)
मृत सिद्धांत सांगलीकर याचे सात- आठ वर्षांपूर्वी लग्न झाले होते. त्याची पत्नी सध्या माहेरीच राहत असून, तो ट्रकचालक असल्याने सतत घराबाहेर असायचा. अलीकडे तो काही दिवसांपासून नैराश्यात होता. तो घरातही कोणाशी फारसे बोलत नव्हता. यातूनच अलीकडे व्यसनाच्या आहारी गेला होता. सकाळी घरातून बाहेर पडला. त्याने रिंगरोड परिसरात एका शेतात विहिरीलगत लिंबाच्या झाडाला गळफास घेऊन आत्महत्या केली.
सालगडी शेतात गेल्यानंतर प्रकार आला समोर
दरम्यान, सालगडी उसाला पाणी देण्यासाठी तेथे मोटर चालू करायला गेला; त्यावेळी झाडाला मृतदेह लटकल्याचे आढळून आले. याची माहिती त्याने शेतमालक प्रदीप स्वामी यांना दिली. घटनास्थळी गांधी चौक पोलिसांनी भेट देऊन पंचनामा केला. शासकीय रुग्णालयात मृतदेहाचे विच्छेदन करण्यात आले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.