Latur News : 'त्या' खून प्रकरणानंतर ११ जणांवर 'माेक्का' ची कारवाई

या सर्व गाेष्टी लक्षात घेता पाेलिस दलानं त्यांच्यावर माेक्काची कारवाई केली आहे.
latur, mokka , crime news
latur, mokka , crime newssaam tv

Latur : लातूर (Latur) जिल्ह्यातील अकरा गुन्हेगारांना माेक्का लागला आहे. लातूर जिल्ह्यात सुमारे बारा वर्षानंतर पुन्हा गुन्हेगारांवर माेक्का लागल्याने चुकीचं काम करणा-यांनी धसका घेतल्याची चर्चा आहे. या कारवाईमुळं आगामी काळात जिल्ह्यातील कायदा व सुव्यस्था अबाधित राहील असेही म्हटलं जात आहे.

चाकूर पोलीस ठाण्यात दाखल असलेल्या गुन्ह्यात अटक (arrest) करण्यात आलेल्या टोळीतील 11 जणांविरुद्ध मोक्का कायद्याअंतर्गत कारवाई करण्यासाठी मंजुरी देण्यात आली आहे. तब्बल बारा वर्षानंतर लातूर पोलिसांनी मोक्का कायद्याअंतर्गत कारवाई केली आहे. अपर पोलीस महासंचालक महाराष्ट्र राज्य कायदा व सुव्यवस्था यांचेकडून अंतिम मंजुरी मिळाली आहे. संघटित गंभीर गुन्हे करणाऱ्या गुन्हेगारांच्या विरुद्ध मोक्का अंतर्गत कारवाई ही लातूर जिल्ह्यातील जवळपास बारा वर्षानंतरची पहिलीच कारवाई आहे.

latur, mokka , crime news
Bribe : रजा मंजूरीसाठी सहा हजार घेतले; मुख्याध्यापकासह लिपिक अटकेत

चाकूर पोलीस ठाणे हद्दीतील चापोली शिवारात 20 मार्च 2022 रोजी खुनाचा गुन्हा दाखल झाला होता. चाकूर पोलीस ठाण्याचे पोलीस निरीक्षक बालाजी मोहिते व पोलीस अंमलदार यांनी तपास करून गुन्ह्यातील मुख्य संशयित आरोपी व सूत्रधार असलेला नारायण तुकाराम इरबतनवाड (45, रा. शिरूर ताजबंद, तालुका अहमदपूर, जिल्हा लातूर) यांच्यासह इतर 11 ज्यामध्ये 10 संशयित आरोपी आणि 1 विधी संघर्ष बालकांना पकडलं हाेते.

या सर्वांनी गुन्हा कबूल केला हाेता. त्यांच्याकडून गुन्ह्याबाबत सखोल तपास केला असता असे निदर्शनास आले की, या गुन्ह्यातील संशयित आरोपी टोळीगुन्हे करणारे तरबेज व सराईत धाडसी व कुख्यात व सक्रिय गुन्हेगार आहेत.

latur, mokka , crime news
Police : तुम ताे ठहरे परदेसी..., लाॅजवर आले पाेलिस अन् लाेचा झाला ना रे भाऊ

त्यांनी लातूर जिल्ह्यातील पोलीस ठाणे गांधी चौक, पोलीस ठाणे अहमदपूर व चाकूर तसेच नांदेड जिल्ह्यातील पोलीस ठाणे मुखेड हद्दीत स्वतःच्या आर्थिक लाभासाठी, संघटितपणे, वेगवेगळे साथीदार घेऊन टोळी निर्माण करून हिंसाचाराचा वापर व कट करून जीवे मारणे, जीवे ठार मारण्याचा प्रयत्न करणे, बेकायदेशीर जमाव जमवून घातक हत्याराने दुखापत करणे असे प्रकार केले हाेते.

तसेच अवैधपणे अफूची तस्करी करणे यासारखे गंभीर गुन्हे करून दहशत निर्माण करून अवैध सावकारीच्या माध्यमातून स्वतःचे व टोळीतील साथीदाराचे आर्थिक फायद्यासाठी गुन्हे करतात. याबराेबरच सर्वसामान्य जनतेमध्ये दहशत निर्माण करून लोकांच्या जीवितास व मालमत्तेस धोका निर्माण करणे, स्वतःचा व सोबतच्या साथीदारांचा आर्थिक फायदा करण्यासाठी स्वतःला भाई, दादा सिद्ध करण्याचा प्रयत्न करण्यात येत होता. या सर्व गाेष्टी लक्षात घेता पाेलिस दलानं त्यांच्यावर माेक्काची कारवाई केली आहे.

Edited By : Siddharth Latkar

latur, mokka , crime news
पुणे नवरात्रौ महोत्सव २०२२ : प्रमुख मान्यवरांच्या मांदियाळीत उत्सव रंगणार, वाचा सविस्तर

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com