लातूर : जिल्हा आपत्ती व्यवस्थापन प्राधिकरण लातूर यांच्याकडून पुरात अडकेल्या व्यक्तींची सुटका बचाव करण्यासाठी स्थानिक पातळीवर 3 पथकांची नेमणूक करण्यात आली असल्याचे जिल्हा प्रशासनाने कळविले आहे. या पथकात रबर बोट ओबीएम मशिनसह इतर पुरांसबंधी आवश्यक साहित्य सामुग्रीसह अडकलेल्या ठिकाणी पाठविण्यात आले आहे. या मध्ये पहिलं पथक रेणापूर तालुक्यातील सारसा, देवळा आणि दुसरं पथक घणसरगाव तिसरं पथक डिगोळ देशमुख या गावासाठी नियुक्त करण्यात आलं आहे.
हे देखील पहा :
मौजे डिगोळ देशमुख येथील पुरात अडकलेल्या 3 व्यक्तींची सुखरुप सुटका या पथकाकडून करण्यात आली. मौजे घनसावरगाव येथील पुरात अडकलेल्या 2 व्यक्तींची सुखरुप सुटका या पथकाकडून करण्यात आली. मौजे सारसा येथील पुरात अडकेल्या एकूण 40 व्यक्तीपैकी दुपारी 3-00 वाजेपर्यंत 25 व्यक्तींची सुखरुप सुटका केली असून उर्वरित अडकलेल्या 15 व्यक्तींची सुटका करण्याचे काम प्रगतीपथावर आहे.
जिल्हा प्रशासनाकडून जिल्ह्यात निर्माण झालेल्या पूर परिस्थिती लक्षात घेवून पुरात अडकलेल्या व्यक्तींचे मदत व बचाव कार्यासाठी एनडीआरएफ टीमला पुणे येथून पाचारण करण्यात आले आहे. तसेच जिल्हा प्रशासनाकडून रेणापूर तालुक्यातील पोहरेगाव येथे पुराच्या पाण्यात अडकलेल्या व्यक्तींचे स्थानिक बोटीने मदत व बचाव कार्य शक्य नसल्याने भारतीय वायु सेना पुणे येथून हेलिकॉप्टर (चॉपर) बोलावण्यात आलेले आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.