Chandrapur Leopard News: बिबट्या मानवी वस्तीत शिरल्याच्या अनेक घटना तुम्ही ऐकल्या किंवा पाहिल्या असतील. शहरीकरणामुळे जंगली प्राणी मानवी वस्तीत आढळून येत आहेत. मात्र अनेकदा हे या प्राण्यांच्या जीवावर बेतताना दिसतं. चंद्रपुरात एका बिबट्याचा अशाच प्रकारे मृत्यू झाला आहे.
मालगाडीच्या इंजिनवर बिबट्या मृतावस्थेत आढळला आहे. घुग्घुस येथील न्यू रेल्वे कोल साइडिंग येथील ही घटना आहे. आज सकाळी ही मालगाडी चंद्रपूर थर्मल पावर स्टेशनमधून या कोल सायडिंगमध्ये दाखल झाली. त्यावेळी इंजिनच्या वर बिबट्या मृतावस्थेत आढळून आला. (Latest News Update)
चंद्रपूर थर्मल पावर स्टेशन परिसरात मोठया प्रमाणात वन्यजीवांचा वावर आहे. त्यामुळे मालगाडीच्या वर चढलेल्या बिबट्याला हाईटेंशन इलेक्ट्रिक ताराचा स्पर्श झाला असावा आणि त्यातच त्याचा मृत्यू झाल्याची शक्यता वर्तवली जात आहे. वनविभाग आणि रेल्वे प्रशासन घटनेचा तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
