Kalyan leopard Video : कल्याणमध्ये धुमाकूळ घालणारा बिबट्या अखेर जेरबंद; नागरिकांनी सोडला सुटकेचा नि:श्वास

Kalyan leopard News : कल्याणमध्ये नागारिकांच्या वस्तीत शिरलेला बिबट्याला बिबट्याला जेरबंद करण्यात यश आले आहे. मुंबई संजय गांधी नॅशनल पार्क बोरिवली पथकाने १० तासांच्या अथक परिश्रमानंतर बिबट्याला बेशुद्ध करून रेस्क्यू केलं. बिबट्याला जेरबंद केल्यामुळे त्यामुळे नागरिकांनी सुटकेचा नि:श्वास टाकला आहे. (Latest Marathi News )

कल्याणमध्ये (Kalyan) गुरुवारी पहाटे मानवी वस्तीत बिबट्या शिरल्याने एकच गोंधळ उडाला होता. कल्याण पूर्वेच्या चिंचपाडा भागात एका इमारतीत हा बिबट्या शिरला होता. त्यामुळे परिसरातील नागरिकांचां एकच गोंधळ उडाला होता. चिंचपाडा रोडवरील श्रीराम अनुग्रह टॉवर नावाच्या या इमारतीत हा बिबट्या शिरला होता. या बिबट्याने २ नागरिक आणि ३ जनावरांवर हल्ला केला. बिबट्या मानवी वस्तीत शिरल्यामुळे परिसरात एकच भीती पसरली होती.

बिबट्या वस्तीत शिरल्याची माहिती मिळाताच मुंबईतील संजय गांधी नॅशनल पार्क, बोरिवली टीम घटनास्थळी पोहोचली. या टीमने १० तासांच्या अथक परिश्रमानंतर बिबट्याला बेशुद्ध करून रेस्क्यू केलं. रेस्क्यू करताना देखील या बिबट्याने वन विभागाच्या कर्मचारी आणि एका स्थानिकाला जखमी केले. मात्र, वन विभाग, पोलीस,अग्निशमन दलांच्या मदतीने हा बिबट्या जेरबंद झाला आहे. त्यामुळे नागरिकांनी सुटकेचा नि:श्वास टाकला आहे.

इमारतीमधील तिघांवर बिबट्याचा हल्ला

कल्याणमधील श्रीराम अनुग्रह या इमारतीमधील तीन लोकांवर हल्ला करून मग हा बिबट्या इमारतीत शिरला होता. त्यानंतर इमारतीमधील नागरिकांना रेस्क्यू करत बाहेर काढण्यात आलं.

कल्याण पूर्वेतील कोळसेवाडी हा परिसर तसा दाट लोकवस्तीचा आहे. मात्र शेजारीच हाजीमलंगचा विस्तीर्ण घनदाट जंगलाचा डोंगर भाग आहे. या भागातून हा बिबट्या आला असण्याची शक्यता व्यक्त करण्यात आली. दरम्यान, बिबट्या जेरबंद झाल्यामुळे नागरिकांनी सुटकेचा नि:श्वास टाकला आहे.