Kolhapur News : नांदणीतील खूनाच्या प्रयत्नाचे गुढ LCB ने उकलले, चाैघांना अटक

- रणजीत माजगावकर

Kolhapur News : वैयक्तिक वादातून जीवे मारण्याच्या उद्देशाने शिरोळ (shirol) तालुक्यातील नांदणी (nandani) येथील तीर्थराज भरतकुमार उपाध्ये या युवकाचे अपहरण करण्यात आले होते. या प्रकरणी स्थानिक गुन्हे अन्वेषण पथकाने (local crime branch kolhapur) चौघांना अटक (arrests) केली आहे. (Maharashtra News)

एलसीबीने दिलेल्या माहितीनूसार तीर्थराज उपाध्ये आणि संशयित अण्णासो कजयप्पा यांच्यात वैयक्तिक वाद होता. या वादातूनच कजयप्पा यांनी त्याच्या इतर साथीदारांच्या मदतीने तीर्थराज यांचे चार चाकीतून जयसिंगपूर रेल्वे स्थानकावरून अपहरण केलं.

त्याला चिकोडी तालुक्यातील नेज गावच्या हद्दीतील फिल्टर जवळ आणून मारहाण करून जखमी केलं. तो मृत झाला असल्याचं समजून त्याला उसाच्या शेतात टाकून सर्व आरोपींनी पलायन केलं होतं. या प्रकरणी पोलिसांनी सापळा रचून चौघांना अटक केली आहे.

Edited By : Siddharth Latkar