बेराळा फाट्याजवळ लक्झरी बस आणि कारचा भीषण अपघात

बुलडाणा - जिल्हा न्यायालयात काम करणारे ऍड. बी.के. सानप आणि ऍड. रमेश भागीले यांच्या कारला काल रात्री 11 वाजेदरम्यान चिखली देऊळगाव राजा मार्गावरील बेराळा फाट्या जवळ भिषण अपघात झाला. यात ऍड. सानप जागीच ठार झालेत तर एड भागीले हे गंभीर जखमी झाले आहे.

हे देखील पाहा -

सानप आपल्या मुलाच्या स्कुल ऍडमिशन निमित्त शनिवारला सकाळ पासून औरंगाबादला गेलेले होते त्यांच्या सोबत ऍड. भागीले होते. औरंगाबादहुन रात्री बुलडाणाकडे परत येत असतांना अनियंत्रित झालेल्या सानप यांच्या कारने डिव्हायडर तोडून विरुद्ध दिशेने येणाऱ्या लक्झरी बसला धडक दिली. त्यामुळे लक्झरी बस सुद्धा बाजूच्या शेतात जाऊन उलटल्याने ड्राइवर सह अंदाजे 5 प्रवासी किरकोळ जखमी झालेत.

सदर लक्झरी बस पुण्याकडे जात होती. या भीषण अपघातात सानप यांचा जागीच मृत्यू झाला. तर बाजूला बसलेले भागीले जखमी झाले आहे. भागीले यांना चिखली येथील एका खाजगी रुग्णालयात दाखल करण्यात आले असून त्यांच्यावर उपचार सुरु आहे. या अपघाताची माहिती बुलडाणा शहरात पसरताच शोककळा पसरली आहे.

Edited By - Shivani Tichkule