सातारा : महाराष्ट्र राज्य सहकारी बँकेने यापुर्वी किसन वीर कारखान्यास (kisan veer sugar factory) आर्थिक सहाय्य केले. परंतु गत दोन वर्षांत राजकीय परिस्थिती बदलली आणि प्रशासक मंडळाने कारखान्यास पैसे देऊ नयेत यासाठी आमदार मकरंद पाटील (makrand patil) आणि त्यांचे बंधू नितीन यांनी प्रयत्न केले. पाटील बंधूंच्या राजकीय डावपेचांमुळे किसन वीर आर्थिक अडचणीत सापडला असा आराेप माजी आमदार मदन भाेसले (madan bhosale) यांनी आज येथे झालेल्या पत्रकार परिषदेत केला. (kisan veer sugar factory election latest marathi news)
किसनवीर कारखान्या निवडणूक जवळ आली आहे. या निवडणुकीत वाईचे (wai) राष्ट्रवादीचे आमदार मकरंद पाटील आणि त्यांचे बंधू जिल्हा मध्यवर्ती बँकेचे अध्यक्ष नितीन पाटील आणि कारखान्याचे माजी चेअरमन मदन भोसले यांच्यात सरळ लढत होणार आहे. यामुळे संपुर्ण तालुक्यातील राजकीय वातावरण ढवळून निघाले आहे. दाेन्ही गट एकमेकांवर आराेप प्रत्याराेप करीत आहेत. रविवारी आमदार मकरंद पाटील यांनी माध्यमांशी संवाद साधत त्यांची निवडणुकीतील भुमिका स्पष्ट केली. आज माजी आमदार मदन भाेसले यांनी त्यांची भुमिका स्पष्ट केली.
माजी आमदार मदन भाेसले म्हणाले किसन वीर सहकारी साखर कारखाना अडचणीत आणण्यात आमदार मकरंद पाटील आणि नितीन पाटील या दोन बंधूंचा मोठा सहभाग आहे. या दोघांनी कारखाना अडचणीत कसा येईल यासाठी वेळोवेळी प्रयत्न केले. कारखाना नीट चालू नये यासाठी ही मंडळी गेली काही वर्षे प्रयत्न करत आहेत. जिथं त्यांना संधी मिळेल तिथं त्यांनी डाव साधला.
सगळं उघड सांगताना अवघड वाटतयं
सहकारी संस्था त्यांना चालवता आले नाहीत हे सर्व जनतेच्या समोर आहे. गेल्या चार वर्षापासून महाराष्ट्र राज्य सहकारी बँकेने आम्हाला किसन वीर साठी आर्थिक सहाय्य केले. परंतु गेल्या दोन वर्षांत राजकीय परिस्थिती बदलल्यानंतर प्रशासक मंडळास त्यांनी आम्हांला पैसे देऊ दिले नाही. हे सगळे उघड सांगताना आता अवघड वाटत असले तरी जनतेपुढे वस्तुस्थिती यावी यासाठी सांगितल्याचे भाेसले यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
