सातारा covid19relief fund news : काेविड-१९ मुळे आजाराने मृत पावलेल्या व्यक्तींच्या निकट नातेवाईकांना पन्नास हजार रुपयांचे सानुग्रह सहाय्य अनुदानासाठी राज्य शासनाने संकेतस्थळ (website) विकसित केले आहे. त्यासाठी संबंधित अर्जदाराने mahacovid19relief.in या संकेस्थळावर जाऊन अर्ज करणे आवश्यक आहे. यासाठी https://epassmsdma.mahait.org/login.htm यावर देखील लिंक असल्याची माहिती राज्य सरकारच्या वतीने देण्यात आली आहे.
संबंधित अर्जदाराने त्याच्या आधार क्रमांक, मृत व्यक्तीचा तपशील जसे मृत्यू प्रमाणपत्र आणि रुग्णालयाचा तपशील (पर्यायी) या कागदपत्रांच्या आधारे त्याचा स्वत:चा मोबाईल क्रमांक वापरुन सहाय्य मिळण्यासाठी लॉगिन करता येईल.
केंद्र शासनाकडे ज्यांच्या काेविड-१९ मुळे मृत्यूची नोंद झालेली आहे अशा व्यक्तींच्या नातेवाईकाचा अर्ज इतर कोणत्याही कागदपत्रांची मागणी न करता मंजूर करण्यात येईल. इतर प्रकरणी काेविड -१९ मृत्यूचे कारण दाखविणारे वैद्यकीय प्रमाणपत्र असेल तर अशी प्रकरणे देखील इतर कागदपत्रांची मागणी न करता मंजूर करण्यात येतील. अर्जदाराकडे मृत्यूचे कारण दाखविणारे वैद्यकीय प्रमाणपत्र नसेल तर काेविड-१९ मुळे मृत्यू झाल्याच्या पुष्ठर्थ कागदपत्रे अर्जदारास अर्जासोबत द्यावी लागतील असेही स्पष्ट करण्यात आले आहे.
जर एखादे प्रकरण नामंजूर झाल्यास त्यावर अर्जदारास जिल्हास्तरीय, महापालिका स्तरीय तक्रार निवारणासाठी स्थापित केलेल्या तक्रार निवारण अपिल करण्याचे व या समितीस अशा प्रकरणांची सुनावणी घेऊन अंतीम निर्णय देण्याचे अधिकार असतील. अर्ज अंतिमत: मंजूर करण्याचे अधिकार जिल्हा आपत्ती व्यवस्थापन प्राधिकरणास राहतील असेही स्पष्ट करण्यात आले आहे.
सानुग्रह सहाय्यासाठी मंजूर करण्यात येणारे सर्व अर्ज सात दिवसांकरिता संकेतस्थळावर सार्वजनिकरित्या खूले ठेवण्यात येतील. ज्यामुळे मृत व्यक्तीच्या योग्य वारसास सहाय्य मिळावे. तसेच एखाद्या गाेष्टीसाठी अपिल करण्याची संधी मिळू शकेल. जिल्हा आपत्ती व्यवस्थापन प्राधिकरणाकडून अंतिमत: मंजूर करण्यात आलेल्या अर्जानुसार, अर्जदाराच्या आधार संलग्निय बँक खात्यामध्ये सानुग्रह सहाय्याची रक्कम थेटरित्या जमा करण्यात येईल असे सरकारकडून नमूद करण्यात आले आहे.
edited by : siddharth latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.