Maharashtra Politics: भाजप नेते किरीट सोमय्या यांच्या अडचणीत वाढ होण्याची शक्यता आहे. किरीट सोमय्या यांची न्यायालयीन चौकशी करण्यात यावी असे निर्देश मुंबई उच्च न्यायालयाने दिले आहेत. राष्ट्रवादी काँग्रेसचे नेते हसन मुश्रीफ यांनी केलेल्या याचिकेवर आज न्यायालयात सुनावणी पार पडली. यामध्ये किरीट सोमय्या यांच्या विरोधात न्यायालयीन चौकशीचे आदेश देण्यात आले आहेत. (Kirit Somaiya)
राष्ट्रवादी काँग्रेसचे नेते हसन मुश्रीफ यांच्यावर ईडी कारवाई करण्यात आली होती. या कारवाई दरम्यान भाजप नेते किरीट सोमय्या मुद्दाम विरोधकांना लक्ष करत आहेत आणि त्यांच्यामागे ईडी लावत आहेत. असा आरोप हसन मुश्रीफ यांनी केला होता. तसेच या प्रकरणी चौकशीसाठी त्यांनी उच्च न्यायालयात याचिका दाखल केली होती.
नेमकं काय घडलं होतं?
कोल्हापूर येथील हसन मुश्रीफ यांच्या मालमत्तेवर काही दिवसांपूर्वी ईडीने छापा टाकला होता. या प्रकरणी त्यांच्या विरोधात कोल्हापूरात गुन्हा दाखल करण्यात आला. तसेच ईडीची चौकशी सुरू झाली. या सर्व गोष्टी हेतुपरस्पर होत असल्याचा ठपका मुश्रीफांनी भाजप नेत्यांवर ठेवला आहे.
‘राजकीय हेतूने प्रेरित षडयंत्र’
आपल्यावर कोल्हापूरात दाखल केलेला गुन्हा खोटा असून तो रद्द करण्यात यावा अशी मागणी त्यांनी आपल्या याचिकेतून केली आहे. माझ्यावर दाखल झालेला गुन्हा हा ‘राजकीय हेतूने प्रेरित षडयंत्र’आहे. गेल्या ७ ते ६ महिन्यांपासून मला अशा प्रकारे ईडी कारवाईत अडकवले जात आहे, असं हसन मुश्रीफ यांनी आपल्या याचिकेत म्हटलं होतं. हे षडयंत्र किरीट सोमय्या यांनी हाती घेतलं आहे असं देखील ते म्हणाले होते. त्यामुळे या प्रकरणी आता किरीट सोमय्या यांच्या विरोधात न्यायालयीन चौकशीचे आदेश देण्यात आले आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
