मुंबई: पुढील दोन दिवस दक्षिण कोकण, गोवा आणि दक्षिण मध्य महाराष्ट्रासाठी 'रेड अलर्ट' आणि उत्तर मध्य महाराष्ट्र, पूर्व विदर्भ आणि पश्चिम विदर्भासाठी 'ऑरेंज अलर्ट' जारी करण्यात आला आहे. पुणे, सातारा आणि कोल्हापूर जिल्ह्यांसाठी 'रेड अलर्ट' जारी केला आहे. येत्या तीन दिवसांत पश्चिम महाराष्ट्रात मुसळधार ते अतिवृष्टीची शक्यता आहे. याशिवाय सातारा जिल्ह्यासाठी ६ ते ८ जुलै आणि कोल्हापूर (Kolhapur) जिल्ह्यासाठी ७ ते ९ जुलैपर्यंत रेड अलर्ट (Red Alert) जारी करण्यात आल्याची माहिती हवामान विभागाने दिली आहे.
कास रात्रीपासून मुसळधार पाऊस (Rain) सुरुच आहे. वसई विरार मध्ये मुसळधार पावसामुळे शाळांना सुट्टी देण्यात आल्या आहेत. रस्त्यांवर गुढगाभर पाणी साचल्याने स्कूल बस बंद आहेत. रायगड जिल्ह्यात पावसाचा जोर कमी झाला आहे. अधून मधून पावसाच्या सरी, रेड अलर्ट कायम असल्याने प्रशासन सज्ज आहे.
हवामान खात्याने रायगड जिल्ह्यासाठी पावसाचा रेड अलर्ट दिला असला तरी जिल्ह्यात आजही पावसाचा जोर कमी असल्याचे दिसत आहे. अलिबागसह जिल्ह्याच्या सर्वच भागात अधून मधून पावसाच्या सरी कोसळत असून पावसाची रिपरिप सुरू आहे.
नवी मुंबईतही सकाळपासून पावसाची(Rain) संततधार सुरूच आहे. सलग चार दिवस नवी मुंबईत पावसाची जोरदार बॅटिंग सुरू आहे. पावसाचा जोर जास्त वाढल्यास सखल भागात पाणी साचण्याची शक्यता आहे.
पालघरमध्ये आज सकाळपासून पावसाला(Rain) सुरुवात झाली आहे. येत्या दोन दिवस मुसळधार पावसाची शक्यता हवामान खात्याने वर्तविली आहे. त्यामुळे प्रशासनाने नागरिकांना सतर्क राहण्याच्या सूचना केल्या आहेत.
सिंधुदुर्गात पहाटे पासूनच पावसाची संततधार रिपरीप तर काही वेळा मोठ्या सरी कोसळत आहेत. सध्या नद्यांच्या पाण्याची पातळी कमी असली तरी मोठा पाऊस झाल्यास पूरस्थिती निर्माण होऊ शकते, त्यामुळे खबरदारी म्हणून एनडीआरएफच्या २२ जवानांचे एक पथक सिंधुदुर्गात तैनात करण्यात आले आहे. हे पथक पुढील तीन दिवस जिल्ह्यात कार्यरत आहे. हवामान विभागाकडून सिंधुदुर्ग जिल्ह्यात तीन दिवस रेड अलर्ट जारी केला आहे. त्यामुळे नागरिकांनी खबरदारी व सतर्क राहण्याच्या सूचना जिल्हाप्रशासना कडून देण्यात आल्या आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.