मुंबई : एसटी कर्मचाऱ्यांसाठी आनंदाची बातमी समोर आली आहे. राज्य सरकारकडून एसटी कर्मचाऱ्यांना दिवाळीसाठी मोठं पॅकेज जाहिर करण्यात आलं आहे. राज्य सरकारने 45 कोटी रुपयांची आर्थिक मदत केली असल्याची माहिती एसटी महामंडळाचे उपाध्यक्ष व व्यवस्थापकीय संचालक शेखर चन्ने (Shekhar Channe) यांनी दिली. याच पार्श्वभूमीवर महाराष्ट्र राज्य मार्ग परिवहन महामंडळाने एसटीच्या अधिकारी आणि कर्मचारी वर्गाला सरसकट ५ हजार रुपयांची रक्कम दिवाळी भेट म्हणून देण्याचा निर्णय घेतला आहे. (Maharashtra Government financial package for st bus employees)
दरम्यान, या पॅकेजचा लाभ जवळपास ८७ हजारांहून अधिक अधिकारी-कर्मचारी वर्गाला होणार आहे. दरवर्षी अधिकारी व कर्मचाऱ्यांना आर्थिक स्वरूपात दिवाळीची भेट दिली जाते. कोरोना महामारीमुळे मागील दोन वर्षांपासून प्रवासी संखेत घट झाली. त्यामुळं एसटी महामंडळाला अनेक अडचणींचा सामना करावा लागत आहे.
संख्या घटल्याने एसटीला आर्थिक अडचणींना सामोरे जावे लागत आहे. अशा परिस्थितीतही महामंडळाकडून यंदा अधिकारी व कर्मचारी वर्गाला दिवाळी भेट म्हणून पाच हजार रूपये देण्याचा निर्णय घेतला आहे. ही रक्कम लवकरच त्यांच्या बँक खात्यात जमा केली जाईल,असंही चन्ने यांनी सांगितलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
