राष्ट्रपती निवडणुकीनंतर महाविकास आघाडी बरखास्त होणार; 'या' भाजप नेत्याने केला दावा

पश्चिम बंगाल मधीलही सरकार बरखास्त होईल असाही दावा केला आहे.
राष्ट्रपती निवडणुकीनंतर महाविकास आघाडी बरखास्त होणार; 'या' भाजप नेत्याने केला दावा
Uddhav ThackeraySaam TV

सांगली: मुख्यमंत्रीपदासाठी दगाबाज करून महाराष्ट्राच्या जनादेशाचा अपमान करणाऱ्या उद्धव ठाकरे (Uddhav Thackeray) यांना पहिली शिक्षा राज्यसभा निवडणुकीच्या निमित्ताने मिळाली आहे, आणि राष्ट्रपतीपदाच्या निवडणुकीनंतर महाराष्ट्रातील सरकार शंभर टक्के बरखास्त होईल तसेच पश्चिम बंगाल मधीलही सरकार बरखास्त होईल असा दावा भाजप (BJP) नेते माजी आमदार सुरेश हाळवणकर यांनी केला आहे.

Uddhav Thackeray
सोनिया गांधी रुग्णालयात दाखल; प्रकृती स्थिर

केंद्रातल्या भाजप (BJP) सरकारला पंतप्रधान नरेंद्र मोदी यांच्या नेतृत्वाखाली आठ वर्ष पूर्ण झाल्याच्या निमित्ताने सांगली भाजपाच्या वतीने जिल्हा कार्यकर्त्यांचा मेळावा आयोजित करण्यात आला होता. भाजपचे प्रदेश उपाध्यक्ष व कोल्हापूरचे माजी आमदार सुरेश हळवणकर यांच्या अध्यक्षतेखाली पार पडलेल्या या मेळाव्याला सांगलीचे खासदार संजयकाका पाटील, आमदार सुरेश गाडगीळ, मिरजेचे आमदार सुरेश खाडे, भाजपा जिल्हाध्यक्ष पृथ्वीराज देशमुख यांच्यासह भाजपचे दिग्गज नेते, नगरसेवक, पदाधिकारी आणि कार्यकर्ते मोठ्या संख्येने उपस्थित होते.

Uddhav Thackeray
मुंबईत कोरोना फोफावतोय! नव्या रुग्णांमध्ये लक्षणीय वाढ, नागरिक चिंताग्रस्त

मुख्यमंत्रीपदासाठी दगाबाज करून महाराष्ट्राच्या जनादेशाचा अपमान करणाऱ्या उद्धव ठाकरे यांना पहिली शिक्षा राज्यसभा निवडणुकीच्या निमित्ताने आमदारांनी दिली आहे. आता राष्ट्रपतीपदाचा निवडणुकीनंतर महाराष्ट्रातील सरकार शंभर टक्के बरखास्त होईल, त्यानंतर पश्चिम बंगाल मधीलही सरकार बरखास्त होईल.

पंतप्रधान नरेंद्र मोदी (Pm Narendra Modi) यांनी आठ वर्षाच्या कार्यकाळामध्ये एकच सरकार बरखास्त केले आहे. मात्र आता महाराष्ट्र आणि पश्चिम बंगाल मधील सरकार शंभर टक्के बरखास्त करतील, असेही हाळवणकर म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com