Nashik News : नाशिकच्या सिन्नर येथे शुक्रावारी सहा तासांपासून खंडीत झालेला वीज पूरवठा महावितरणाच्या कर्मचाऱ्याच्या धाडसामुळे सुरळीत झाला आहे. कर्मचाऱ्याने तब्बल ७० फूट अंतर २० फूट खोल तलावातून पार केले आणि विद्यूत पुरवठा सुरळीत केला. कर्मचाऱ्याने दाखवलेल्या या धाडसामुळे आता सर्वत्र त्याच्यावर कौतुकाचा वर्षाव होत आहे.
सविस्तर माहितीनुसार, शुक्रवारी सकाळी आठ वाजल्यापासून वावी व पाथरे या ठिकाणचा विद्यूत (Electricity) पुरवठा खंडीत झाला होता. काही तांत्रिक अडचणींमुळे विद्यूत पुरवठा ६ तास बंद होता. हा बिघाड शोधण्यासाठी दोन्ही उपकेंद्रांचे कक्ष अभियंता अजय सावळे व हर्षल मांडगे हे आपल्या कर्मचाऱ्यांना घेऊन सिन्नर ते वावी दरम्यान असलेल्या मुख्य वीज वाहिनीवर पेट्रोलिंग करत होते. अशात बराच वेळ शोधल्यानंतर नेमका बिघाड कुठे झाला आहे हे समजले.
यावेळी गोंद नाल्यावर पाझर तलाव क्षेत्रात असलेल्या पोलवर बिघाड झाल्याचे समजले. समृध्दी महामार्गाच्या कामासाठी हा तलाव (Lake) तयार करण्यात आला आहे. अशात तलावाच्या काठापासून विजेच्या खांबाचे अंतर 70 फूट लांब आणि तलावाच्या पाण्याची खोली २० फूट खोल आहे. त्यामुळे हे तलाव पार करून वीजेच्या खांबात झालेला बिघाड दुरुस्त करण्याचे मोठा प्रश्न मिर्माण झाला होता.
यावेळी मूळचा मीठसागरे येथील रहिवासी व वावी,पाथरे उपकेंद्रात कार्यरत असलेला कर्मचारी योगेश बापू वाघ हे दोघे पुढे आले. योगेशने पुढे जाऊन दुरूस्ती करण्यास सहमती दिली. यानंतर शेतकऱ्यांकडून दोन ते तीन दोर आणले. यातील एक योगेशच्या कंबरेला बांधला. दुपारी १२.३० च्या सुमारात तो तलावात उतरला आणि पोहून वीजेच्या खांबापर्यंत पोहचला.
तिथे पोहचल्यावर काम करण्यासाठी त्याला एक तासाचा अवधी लागला. त्यानंतर दुपारी दोन वाजेच्या सुमारास वावी व पाथरे येथील उपकेंद्रांचा तब्बल सहा तासांपासून खंडित झालेला वीजपुरवठा पूर्ववत सुरू झाला. फिल्मी स्टाईलने केलेल्या कामामुळे सर्वांनी योगेशचे कौतुक केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.