Aurangabad Accident : औरंगाबादमध्ये दोन कारची समोरासमोर धडक; भीषण अपघात ४ जणांचा मृत्यू

गंगापूर रोडवरील कायगावजवळ दोन कारचा भीषण अपघात (Accident) झाला आहे.
Aurangabad Gangapur Car Accident News
Aurangabad Gangapur Car Accident NewsSaam TV

नवनीत तापाडिया, साम टीव्ही

औरंगाबाद : औरंगाबादेतून अपघाताची एक भयंकर घटना समोर आली आहे. गंगापूर रोडवरील कायगावजवळ दोन कारचा भीषण अपघात (Accident) झाला आहे. या अपघातात चार जणांचा जागीच मृत्यू झाला. तर काहीजण जखमी झाल्याची प्राथामिक माहिती आहे. अपघाताची माहिती मिळताच स्थानिक पोलिसांनी घटनास्थळी धाव घेत बचावकार्य सुरू केलं आहे. (Aurangabad Gangapur Car Accident News)

Aurangabad Gangapur Car Accident News
Uttarakhand : उत्तराखंडमध्ये मोठी दुर्घटना! पर्यटकांनी भरलेली व्हॅन दरीत कोसळली, १२ जणांचा मृत्यू

अपघातातील जखमींना उपचारासाठी तातडीने रुग्णालयात दाखल करण्यात आलं आहे. प्राप्त माहितीनुसार, आज म्हणजेच शुक्रवारी रात्रीच्या सुमारास गंगापूर रोडवरील (Aurangabad) कायगावजवळ हा भीषण अपघात झाला आहे. भरधाव वेगात येणारी स्वीफ्ट कार आणि वॅग्नर कारमध्ये हा अपघात झाला आहे. (Maharashtra News)

अपघात इतका भीषण होता की दोन्ही कारचा अपघातात अक्षरश: चुराडा झाला. स्विफ्ट कारमध्ये औरंगाबाद येथील बजाजनगरमधील प्रवासी, तर वॅग्नरमध्ये अमरावती येथील प्रवासी होते, अशी प्राथामिक माहिती स्थानिकांनी दिली आहे.

ऐन वर्दळीच्या रस्त्यात हा अपघात झाल्याने वाहनांच्या लांबच लांब रांगा लागल्या होत्या. या भीषण अपघाताची माहिती मिळताच, स्थानिकांसह पोलिसांनी घटनास्थळी धाव घेतली. अपघातातील मृतांना तसेच जखमींना गंगापूर येथील घाटी रुग्णालयात उपचारासाठी दाखल करण्यात आलं आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com