Crime News : पेट्राेल पंपावर महिलेवर वार; मारहाणीची घटना सीसीटीव्हीत कैद

- तबरेज शेख

Nashik Crime News : पाथर्डी गाव वडनेर रस्ता (nashik) येथील जाधव पेट्रोलियम पंपावर काम करणाऱ्या महिलेवर एकाने आज वार केले. या घटनेमुळं पेट्राेल पंपावर एकच गाेंधळ उडाला. या पंपावरील अन्य कर्मचा-यांनी (workers) महिलेस (women) मारहाण हाेण्यापासून वाचविण्याचा प्रयत्न केला. त्यामुळे मारहाण करणारा तेथून पसार झाला. ही घटना सीसीटीव्हीत कैद झाली आहे.

जुबेदा खान असं मारहाण झालेल्या महिलेचे नाव आहे. जुबेदा या पंपावर काम करतात. त्या नेहमीप्रमाणे कामावर आल्या हाेत्या. एका रिक्षात पेट्राेल भरत असताना एक पुरुष घटनास्थळी आला. त्याने त्यांना मारहाण करण्यास प्रारंभ केला. स्वत:चा बचाव करण्यासाठी जुबेदा हा तिथून पळू लागल्या.

संबंधिताने त्यांचा पाठलाग करीत मारहाण केली. जुबेदा यांना वाचविण्यासाठी पंपावरील कर्मचारी प्रयत्न करीत हाेते. परंतु संबंधिताने काहींना मारण्याचा प्रयत्न केला. त्यामुळे काही काळ पंपावर गाेंधळ निर्माण झाला. घटनास्थळी गर्दी वाढू लागताच मारहाण करणा-याने तेथून पळ काढला.

दरम्यान जुबेदा यांना पंपावरील कर्मचा-यांनी नाशिकच्या शासकीय रुग्णालयात दाखल केले. भर दिवसा पेट्रोल पंपावर झालेल्या या घटनेने परिसरात एकच खळबळ उडाली. या घटनेचा तपास इंदिरा नगर पोलीस करीत आहेत.

Edited By : Siddharth Latkar