Wai Satara Maratha Morcha : मराठा समाजाच्या वतीने आज (मंगळवार) वाई शहर बंदचे आवाहन करण्यात आले हाेते. त्यास उत्तम प्रतिसाद मिळाला आहे. दरम्यान वाई सातारा असा सकल मराठा समाजाने काढलेला पायी माेर्चा हा पाेलिस दलाने पाचवड येथे थांबविला. आंदाेलकांना साता-याकडे जाऊ नये असे आवाहन पाेलिसांनी केले. (Maharashtra News)
जालना येथील मराठा आंदोलकांवर लाठीचार्ज झाल्यानंतर याचे पडसाद राज्यभरात उमटत असल्याचे पाहायला मिळत आहे. मराठा आरक्षणाच्या मुद्द्यावरून मराठा क्रांती मोर्चाच्या वतीने आज वाईहून साताऱ्याच्या दिशेने पायी चालत भव्य मोर्चा आयोजित करण्यात आला आहे.
या माेर्चाची सुरुवात आज सकाळी वाईतील ढाेल्या गणपती येथून झाली आहे. या मोर्चामध्ये मोठ्या संख्येने मराठा बांधव सहभागी झाले आहेत. जालना येथे मराठा आंदोलकांवर लाठीचार्ज प्रकरणाची सखोल चौकशी आणि मराठा आरक्षणाबाबत मराठ्यांना न्याय मिळवून द्यावा अशी मागणी करीत मोर्चा साता-याकडे मार्गक्रमण करत राहिला.
हा माेर्चा पाचवड फाट्यावर येताच पाेलिसांना आंदाेलकांना साता-याच्या दिशेने जाऊ नये असे आवाहन केले. यावेळी आंदाेलकांनी जिल्हाधिकाऱ्यांना निवेदन देण्यास निघाल्याचे पाेलिस दलास सांगितले.
यावेळी पाचवड येथे अप्पर जिल्हाधिकारी जीवन गलांडे व अप्पर पोलीस अधीक्षक बापू बांगर यांनी मराठा समाजाच्या समन्वयकांशी चर्चा करुन साता-याकडे जाऊ नये आम्ही आपले निवदेन प्रशासनाकडे देऊ असे आश्वासन दिले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
