Maratha Reservation Protest Beed News: मराठा आरक्षणाचा मुद्दा पुन्हा एकदा चांगलाच तापताना दिसत आहे. मराठा आरक्षणाच्या मागणीसाठी बीडच्या परळीमध्ये सकल मराठा समाज आक्रमक झाला असून दोन दिवसात मराठा आरक्षणासंदर्भात निर्णय घ्या अन्यथा सामूहिक जलसमाधी घेऊ... असा इशारा सरकारला देण्यात आला आहे.
याबाबत अधिक माहिती अशी की, जालन्यात (Jalna) मनोज जरांगे पाटील (Manoj Jarange Patil) यांनी मराठा आरक्षणासाठी व कुणबी प्रमाणपत्र मिळण्यासाठी गेल्या ९ दिवसांपासून उपोषण सुरू केले आहे. त्यानंतर राज्यभर मराठा समाज आक्रमक झाला असून राज्यात विविध ठिकाणी आंदोलने सुरू केली आहेत. मराठा आरक्षणासाठी बीडमध्येही मराठा समाज आक्रमक झाला असून नागपूर वान धरणावर धरणे आंदोलन सुरु आहे.
या आंदोलनात शेकडो मराठा बांधव धरणावरती धरणे आंदोलनाला बसले आहेत. आरक्षणाची मागणी करत धरणात उडी मारण्याच्या तयारीत असलेल्या दोघा आंदोलकांना पोलिसांनी ताब्यात घेतले आहे.
सरकारला अल्टिमेटम...
दोन दिवसात मराठा आरक्षणासंदर्भात निर्णय घ्या अन्यथा सामूहिक जल समाधी घेऊ. असा अल्टीमेटम परळीच्या मराठा समाजाने सरकारला दिला आहे. तसेच जरांगे पाटलाच्या जीवाला काही झालं तर त्याला सरकार जबाबदार असेल, त्यामुळे तात्काळ मराठा समाजाच्या आरक्षणाचा निर्णय तात्काळ घ्या अशी मागणीही या आंदोलकांनी केली आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
