नवनीत तापडिया
औरंगाबाद - मुख्यमंत्री एकनाथ शिंदे (Eknath Shinde) यांच्या हस्ते मुख्य शासकीय ध्वजारोहण झाल्यानंतर शिवसेनेच्या वतीने 9 वाजता अभिवादनाचा कार्यक्रम घेण्यात आला. सकाळी 9 वाजता होणारे ध्वजारोहण 7 वाजताच करण्यात आलं. याचा निषेध म्हणून शिवसेनेकडून पुन्हा एकदा मुख्यमंत्र्यांनी ध्वजारोहण केलेल्या ठिकाणी 9 वाजता अभिवादन करण्यात आले आहे. यावेळी शिवसेनेचे नेते चंद्रकांत खैरे आणि विरोधी पक्षनेते अंबादास दानवे (Ambadas Danve) उपस्थित होते.
हे देखील पाहा -
यावर प्रतिक्रिया देताना चंद्रकांत खैरे म्हणाले की, केंद्र सरकारने मराठवाडा मुक्ती दिनाच्या कार्यक्रमाची वेळ ठरवून दिलेली आहे. दरवर्षी 9 वाजता हा कार्यक्रम होतो. यावर्षी देखील वेळेवरच कार्यक्रम घ्यायला हवा होता. परंतु, मुख्यमंत्र्यांना हैदराबादला जायचे असल्याने त्यांनी कार्यक्रम लवकर घेतला तरी देखील आम्ही शिवसेनेच्या वतीने बरोबर नऊ वाजता या ठिकाणी शहिदांना अभिवादन करण्यासाठी आलो आहे. खासदार इम्तियाज जलील हे दरवर्षीच या कार्यक्रमाला अनुपस्थित असतात. आम्ही टीका करतो म्हणून हुशारी करत आधीच मीडियाला सांगून ते विदेश दौऱ्यावर गेले आहेत अशी टीका शिवसेना नेते चंद्रकांत खैरेंनी केली आहे.
पर्यटन मंत्री मंगल प्रभात लोढा हे शहरात असतानाही मुख्यमंत्र्यांच्या शासकीय कार्यक्रमाला आले नाही यावर खैरे म्हणाले की, यावरून त्यांच्याच किती जमत असेल असे स्पष्ट होते. दौलताबादला जो भाजपचा कार्यक्रम आहे. त्या ठिकाणी ते गेले आहेत आम्ही त्या ठिकाणी जाणार होतो परंतु तो भाजपचा राजकीय कार्यक्रम असल्याने आम्ही त्या ठिकाणी गेलो नाही. असे वक्तव्य शिवसेना नेते चंद्रकांत खैरे यांनी औरंगाबाद येथील सिद्धार्थ उद्यानात मराठवाडा मुक्ती संग्राम दिनानिमित्त अभिवादन केल्यानंतर केले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
