Miraj News: प्लास्टिक कारखान्याला भीषण आग; दुर्घटनेत लाखोंचे नुकसान

Miraj News: मकर संक्रांतीच्या पहाटेच मिरज येथे मोठी दुर्घटना घडली आहे. मिरज औद्योगिक वसाहतीमध्ये आज (रविवारी) पहाटेच्या सुमारास एका प्लास्टिक कारखान्याला आग लागली. यामध्ये कारखान्यातील सर्व प्लास्टिक जळून खाक झाले आहे. प्लास्टिकमुळे ही आग आटोक्यात आणण्यासाठी ५ तास अथक प्रयत्न सुरू होते. (Latest Miraj News)

सदर घटनेची माहिती मिळताच अग्निशमन दलाची ४ वाहने घटनास्थळी दाखल झाली. तसेच एमआयडीसी अग्निशमन दलाची १ आणि कोल्हापूर मनपाची १ यासह तासगाव नगर परिषदेची १ अशी एकूण ६ वाहने घटनास्थळी दाखल झाली होती. मात्र प्लास्टिकमुळे आग आटोक्यात येत नव्हती तसेच धुराचे लोट दूरवर पसरले होते.

मिळालेल्या माहितीनुसार, घटना घडली त्यावेळी कारखान्यात कोणीही नव्हते. त्यामुळे सुदैवाने यात कोणतीही जीवितहानी झालेली नाही. मात्र कारखाना मालकाचे यात लाखोंचे नुकसान झाले आहे. वर्षाच्या पहिल्याच सणाच्या दिवशी ही घटना घडल्याने कारखाना मालक हळहळ व्यक्त करत आहे.