केशरानंद ऑइल मिल सेक्टरला भीषण आग; लाखोंचे साहित्य जळून खाक

धुळे - शिंदखेडा तालुक्यातील बामणी शिवारामध्ये असलेल्या केशरानंद ऑइल मिल सेक्टरला सकाळी नऊ वाजेच्या दरम्यान आग लागल्याची घटना उघडकीस आली आहे. आगीचे कारण अद्यापही कळू शकले नसले तरी शॉर्टसर्किटमुळे आग लागल्याचा अंदाज व्यक्त करण्यात येत आहे. काही वेळातच आगीने रौद्ररूप धारण केले. या आगीमुळे मिलमध्ये असलेले मशनरी व त्याचबरोबर मिलमधील इतर साहित्य जळून खाक झाले आहेत.

हे देखील पाहा -

या घटनेची माहिती अग्निशमन विभागाला दिल्यानंतर अग्निशमन विभागाचे जवळपास 20 ते 25 बंब घटनास्थळी तात्काळ दाखल झाले. अग्निशमन विभागाच्या जमावानांनी अथक प्रयत्न केल्यानंतर ही आग आटोक्यात आणण्यात यश आले आहे. परंतु या आगीमध्ये जीवितहानी झाली नसली तरी लाखोंचे सामान जळून खाक झाले आहे.